Lajme

Presidentja e Parlamentit Evropian e vetmja zyrtare në BE-së që e përmendi heqjen e vizave pas Samitit

Autori: Gazeta inFokus 10:34 | 24 June 2022

Presidentja e Parlamentit Evropian, Roberta Metsola, është liderja e vetme evropiane që ka përmendur liberalizimit të vizave për Kosovën.

Para fillimit të Samitit BE-Ballkani Perëndimor dhe pas përfundimit të samitit, ajo ka thënë se Kosovës duhet t’i hiqen vizat.

“Unë gjithashtu përmenda qëndrimin e kahershëm të Parlamentit Evropian për liberalizimin e vizave për Kosovën, ky është shteti i vetëm në rajon që s’është akoma pjesë e zonës Schengen”, ka thënë Mestola.

Ndërkaq, edhe para fillimit të Samitit, ajo po ashtu deklaroi se liberalizimi i vizave për Kosovën duhet të ndodhë.

“Zgjerimi gjithmonë është parë si një proces transformativ për vendet që duan të shohin Europën si shtëpinë e tyre dhe sot është dita kur ne përnjëmend duhet të nisim negociatat për anëtarësim për Shqipërinë dhe Maqedoninë e Veriut, ne duhet përnjëmend të flasim për dhënien e liberalizimit të vizave për Kosovën. Këto janë pikat që do të fliten brenda samitit, sepse kjo është dita kur ne duhet të shikojmë drejt Ballkanit Perëndimor si vende që janë fqinj tonë dhe vende që duhet ta gjejnë veten në Bashkimin Europian, i cili është shtëpia e tyre”, ka thënë ajo.

Pavarësisht përkrahjes Këshilli i BE-së nuk e ka përfshirë liberalizimin e vizave për Kosovën në konkluzat e Samitit.

Të tjera