Presidenti ukrainas Zelenskiy, vazhdon vizitat në kryeqytetet evropiane
Autori: Gazeta inFokus 08:30 | 09 February 2023
Presidenti ukrainas Volodymyr Zelenskiy shkon të enjten në Bruksel, në vazhdën e vizitave në disa kryeqytete evropiane, gjatë të cilave ai po u kërkon udhëheqësve të BE-së më shumë armë në luftën kundër agresionit të Rusisë dhe një fillim të shpejtë të bisedimeve të anëtarësimit në BE.
Pasi vizitoi Londrën dhe Parisin të mërkurën, zoti Zelenskiy pritet të marrë pjesë në një takim të nivelit të lartë të udhëheqësve të BE-së dhe t’i drejtohet Parlamentit Evropian në Bruksel.
Megjithëse nuk ka gjasa që të marrë premtime të menjëhershme për të përmbushur kërkesat e tij, vizita i jep zotit Zelenskiy një shans për të paraqitur argumentat e tij para të 27 udhëheqësve të vendeve të BE-së për herë të parë që kur filloi agresioni gati një vit më parë më 24 shkurt, 2022.
Pasi kanë marrë premtime për tanke luftarake perëndimore javët e fundit, zyrtarët ukrainas janë përqendruar tani në përpjekjet për të siguruar furnizim me raketa dhe avionë luftarakë me rreze më të gjatë veprimi.
Qeveritë perëndimore deri tani kanë hedhur poshtë kërkesat për avionë, duke argumentuar se ato nuk i duhen Ukrainës për momentin dhe se do të duheshin vite për të trajnuar pilotët ukrainas për t’i përdorur ato.
Megjithatë, zoti Zelenskiy siguroi të mërkurën një premtin nga Britania për të trajnuar pilotët ukrainas për të përdorur avionë luftarakë të standardeve të NATO-s. Londra tha se nuk kishte vendosur ende nëse do të dërgonte avionë të tillë, por kryeministri Rishi Sunak tha se “asgjë nuk përjashtohet”.
Ambasada e Rusisë në Britani paralajmëroi Londrën kundër dërgimit të avionëve luftarakë në Ukrainë, duke thënë se një veprim i tillë do të kishte pasoja për të gjithë botën, njoftoi agjencia e lajmeve TASS.
Lidhur me çështjen e anëtarësimit në BE, zyrtarët ukrainas po bëjnë presion për hapjen e bisedimeve të anëtarësimit brenda disa muajsh.
“Ne jemi absolutisht të sigurt se vendimi për fillimin e negociatave të anëtarësimit mund të merret këtë vit,” tha një zyrtar ukrainas.
Por ndërsa disa vende anëtare të BE janë të prirura t’i japin Ukrainës nxitjen morale që do të sillnin bisedimet e anëtarësimit, të tjerët janë shumë më të kujdesshëm. Ata kanë theksuar se vendet aspirante duhet të plotësojnë një sërë kriteresh – siç është goditja e korrupsionit – përpara se të fillojnë negociatat.
“Ukrainës nuk mund t’i jepet një lloj statusi special mbi dhe para le të themi vendeve të Ballkanit Perëndimor që janë në procesin e anëtarësimit dhe që po kalojnë përmes të gjitha fazave”, tha një diplomat i BE-së. “Ballkanit Perëndimor nuk mund t’i thuhet që për të hyrë në BE duhet të jeni në luftë.”/Voa
Të tjera
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...