Rajoni dhe Bota

Presidenti i ri shqiptar i “gozhduar” nga gazetarja (video)

Autori: Gazeta inFokus 14:32 | 29 April 2017

Pasaniku Ilir Meta ia doli të ngjitet në krye të shtetit shqiptar.

Liderët kosovarë e urojnë që është bërë president dhe konsiderojnë atë si mik që e ka ndihmuar shtetin më të ri në Evropë.

Pak rëndësi ka për ta që Meta, viteve të fundit është konsideruar si njeri që ka krijuar një “perandori” të dyshimtë.

-Advertisement-

Ka qenë pikërisht çështja e pasurisë, ajo që Metën e pati tensionuar tejmase gjatë një interviste televizive, shkruan AktivPress.

Është Ardita Dunellari, gazetarja e Zërit të Amerikës, ajo që e pati “gozhduar” presidentin shqiptar me pyetjet rreth pasurisë së tij.

Dunellari e pati pyetur se a ndihet i prekur me faktin se shumë shqiptarë kanë marrë rrugët e emigrimit, ndërsa ai dhe klasa politike në Shqipëri shfaqin një nivel jetese tepër të lartë ndryshe nga popullsia në vend.

“Nuk e di për çfarë luksi e keni fjalën?! Unë nuk kam as makinë personale pasi këtë ma siguron shteti. Unë nuk e kuptoj se si ju merrni përsipër të flisni në emër të të gjithë shqiptarëve por gjithsesi mua më vlerësojnë shqiptarët”, qe përgjigjur Meta duke provuar ta ofendoj gazetaren.

“Mesa duket ju duhet të filloni gazetarinë nga e para”, i pati thënë Meta asaj, mirëpo si kundërpërgjigje pati marr këtë qëndrim të gazetares: “Këtu jemi në SHBA dhe nuk ka pyetje të gabuara”.

 

 

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera