Lajme

Presidenti italian pranon dorëheqjen e Mario Draghit, qeveria në kolaps

Autori: Gazeta inFokus 10:41 | 21 July 2022

Skenari i paralajmëruar tashmë është realitet. Mario Draghi u dorëhoq përfundimisht si kryeministër i Italisë të enjten dhe tani qeveria është shembur.

Draghi iu drejtua herët në mëngjes zyrës së president Sergio Matarrela, i cili kësaj radhe pranoi letrën e tij të dorëheqjes .

Qeveria italiane u shemb pasi tre partnerë kryesorë të koalicionit vendosën të tërheqin mbështetjen e tyre për kryeministrin Mario Draghi.

-Advertisement-

Kjo do të thotë se votuesit të shkojnë sërish në qendrat e votimit për zgjedhje të reja të përgjithshme – të dytat në katër vjet, të cilat me gjasë do të mbahen në fund të shtatorit ose në fillim të tetorit.

Liga e Matteo Salvinit, Forza Italia e Silvio Berlusconit dhe Lëvizja Pesë Yje (M5S) e Giuseppe Conte vendosën të abstenojnë ndaj një votëbesimi në Senat të mërkurën.

Edhe pse Draghi arriti të fitonte votëbesimin 95 pro me 38 kundër, abstenimet e aleatëve të tij qartësuan fundin e paktit të unitetit kombëtar të vulosur në shkurt 2021, kur Draghi mori detyrën.

Në 14 korrik presidenti Mattarella kishte refuzuar dorëheqjen e 74-vjeçarit pasi lëvizja 5 yjet abstenoi gjatë një votimi për një paketë stimuluese. Ai i kishte bërë thirrje Draghit të rimbledh partitë në parlament dhe të përpiqet të mbledhë mbështetjen e nevojshme për të qëndruar.

Draghi përsëriti thirrjet e tij për unitet në fjalimin e tij në Senat të mërkurën – por më pas Liga dhe Forza Italia njoftuan se nuk do të qëndronin më në koalicion për sa kohë që M5S do të ishte pjesë e tij. Në këtë situatë qëndrimi i Draghit në detyrë nuk ishte më e mundur.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme