Lajme

Presidenti i Shri Lankës ik në Maldive

Autori: Gazeta inFokus 09:24 | 13 July 2022

Presidenti i Shri Lankës, Gotabaya Rajapaksa, ka ikur në Maldive herët të mërkurën, pas protestave të gjera kundër krizës më të keqe ekonomike në vend në disa dekada.

Si president, Rajapaksa gëzon imunitet nga arrestimi dhe besohet se ai donte të largohej para se të jepte dorëheqje, në mënyrë që mos të mund ta ndalonin kur të mbetej pa pushtet.

Ai, gruaja e tij dhe dy truprojat ishin katër pasagjerët në bordin e një avioni ushtarak Antonov-32 që u ngrit nga aeroporti kryesor ndërkombëtar i Shri Lankës, thanë burimet e imigracionit për AFP-në.

-Advertisement-

Me të mbërritur në Maldive, ata u çuan në një vend të pazbuluar, nën shoqërimin e policisë, tha një zyrtar i aeroportit në kryeqytetin Male.

Protestuesit në Shri Lankë, që gjatë fundjavës hynë në pallatin presidencial dhe dogjën shtëpinë e kryeministrit, kanë kërkuar dorëheqjen e presidentit dhe kryeministrit, për shkak të krizës ekonomike./rel

Subscribe në YouTube: GAZETA INFOKUSI