Presidenti i parë amerikan me padi penale, për çfarë po akuzohet Trump
Autori: Gazeta inFokus 13:29 | 31 March 2023
Donald Trump do të jetë ish-Presidenti i parë amerikan që do të përballet me akuza penale, pasi një juri e madhe në Manhattan të Nju Jorkut votoi për ta paditur atë për pagesën në këmbim të heshtjes së një ylli të filmave pornografik. Çka dihet deri tash rreth këtij rasti?
Të enjten New York Times raportoi fillimisht se një juri e madhe votoi për ta paditur Trumpin, duke cituar katër persona që janë në dijeni për rastin.
Padia u konfirmua menjëherë të enjten nga Joe Tacopina, një avokat i Trumpit dhe nga burime të tjera. Akuza penale e vulosur pritet të publikohet gjatë ditëve në vijim. Deri më tani nuk janë bërë publike akuzat specifike. BBC raportoi se Trump në ditët në vijim mund të arrestohet.
Akuza penale ndaj Trump lidhet me një pagesë që i është bërë aktores së filmave për të rritur, Stormy Daniels, në vitin 2016, pak para ditës së zgjedhjeve ku Trump kandidoi për President.
Sipas raportimeve në mediat perëndimore, avokati i atëhershëm i Trumpit, Michael Cohen, orkestroi pagesën për ta blerë heshtjen e Dianielsit për një takim të supozuar seksual me Trumpin, në vitin 2006.
Pse është akuzuar Trumpi?
Cohen, ish-avokati i Trumpit, tani një armik i hapur i tij, që dëshmoi para jurisë së madhe në rastin e Manhattanit, deklaron se i ka bërë një pagesë prej 130 mijë dollarësh aktores Daniels, në tetor të vitit 2016. Në kohën kur Trump ishte President, e rimbursoi Cohenin me pagesa prej 35 mijë dollarësh në muaj, nga llogaria e tij personale.
Stormy Daniels at an awards function in January 2020.
Story Daniels, janar 2020/Getty Images
Në vitin 2018, Cohen u deklarua fajtor për akuzat për financimin e fushatës, që lidheshin me pagesat në këmbim të heshtjes. Dokumentet e gjykatës në rastin e Cohen thonin se Organizata Trump përshkroi rrejshëm pagesat si “shpenzime ligjore” , duke pëmeendur një shërbyes ligjor që nuk ekzistonte.
Në rastin e Manhattanit, prokurorët i qëndrojnë asaj se rimbursimi që bëri Trump, shkeli ligjin.
Çfarë tha Trump dhe avokatët e tij?
Trump mohon çdo akuzë, qoftë ato për veprimtari kriminale, qoftë pretendimet për dëme civile. Ai vazhdimisht i ka konsideruar hetimet ndaj tij si “gjueti shtrigash”, për qëllime politike. Ish-Presidenti mohon të ketë pasur një aferë me Danielsin, por e pranon se e ka paguar avokatin Cohen, duke thënë se ishte viktimë e zhvatjes.
Ekipi i tij ligjor e ka takuar prokurorët e Manhattan-it, për t’ua argumentuar se ai nuk duhet të akuzohet.
Trump, për të cilin thuhet se përballet me rreth 30 akuza për mashtrime biznesi, ka sulmuar Prokurorin e rastit, Alvin Bragg dhe demokratët në një deklaratë të lëshuar menjëherë pasi doli lajmi, duke thënë se e gjithë kjo është “persekutim politik” që po i bëhet.
“Besoj se kjo gjueti shtrigash do t’i kthehet Joe Bidenit”, ka thënë ai.
“Lëvizja jonë dhe partia jonë, e bashkuar dhe e fortë, do ta mposht së pari [Prokurorin] Alvin Bragg dhe më pas do ta mposhtim Joe Biden”, ka thënë tutje Trump.
Demokratët i janë përgjigjur pretendimeve për persekutim, duke thënë se nëse Trump e shkel ligjin, ai do të përballet me akuzat, njëjtë si çdo qytetar amerikan.
Ish-avokati i Trumpit, Cohen, i ka thënë CNN-it se “kjo është frika më e madhe e tij [Trumpit] dhe o të tronditet që do ta ketë një F [për krim] pranë emrit të tij. Kjo nuk është ajo që Trump e ka imagjinuar për vetën e tij”.
Michael Cohen dismisses claims of email as proof that Trump knew about payment to porn star to buy her silence – ABC News
Michael Cohen/ Tom Williams/CQ Roll Call via Getty Images
Çfarë do të ndodhë tutje?
Prokurori i qarkut Manhatan në Nju Jork, Alvin Bragg, i cili i ka kryer hetimet, e ka konfirmuar që e ka kontaktuar avokatin e Trumpit, për të “koordinuar dorëzimin e tij”, për akuzat e paspecifikuara.
Trump pritet të shfaqet në gjykatë të martën, ku ai do të deklarohet për rastin dhe do të vendosën datat për procedurat e rastit.
Siç ka raportuar NBC, Policisë së Nju Jorkut i është thënë që të jenë të gjithë në detyrë të premten dhe të jenë të gatshëm për “çrregullime të pazakonta”.
Është e paqartë nëse Trumpit do t’i vihen prangat në paraqitjen e tij para gjykatës, por atij do t’i merren shenjat e gishtërinjve, do të fotografohet dhe të dhënat do t’i përpunohen për arresti. Ekipi i tij mbrojtës pritet të luftojë fuqishëm akuzat dhe afat kohor i një gjyqi të mundshëm mbetet i paqartë, Gazeta Express.
Juria e madhe përbëhet nga një grup qytetarësh të autorizuar me ligj për të kryer procedura ligjore, për të hetuar sjelljet e mundshme kriminale dhe për të përcaktuar nëse duhet ngritur kallëzim penal. Juria e madhe është e ndarë nga gjykatat, të cilat nuk kanë autoritet mbi funksionimin e jurisë.
Të tjera
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...