Lajme

Presidenti i Këshillit Evropian pritet të vizitojë Kosovën në maj në kuadër të një turi në Ballkanin Perëndimor

Autori: Gazeta inFokus 22:56 | 14 April 2025

Presidenti i Këshillit Evropian, Antonio Costa, pritet të vizitojë Kosovën në muajin maj, si pjesë e një turi më të gjerë në vendet e Ballkanit Perëndimor.

Vizita është paralajmëruar nga Këshilli Evropian, por detajet e programit mbeten ende në përgatitje.

“Po, edhe presidenti Kosta do ta vizitojë Kosovën, ku detajet e programit janë ende në përgatitje, kështu që nuk mund të konfirmojmë ndonjë specifikë për momentin”, thuhet në një deklaratë të Këshillit Evropian.

-Advertisement-

Gjatë një takimi të zhvilluar më herët me kryeministrin e Shqipërisë, Edi Rama, Costa theksoi se integrimi i vendeve të Ballkanit Perëndimor në Bashkimin Evropian është mënyra më e mirë për të garantuar mirëqenie, paqe dhe stabilitet në rajon.

Për këtë arsye, ai ka bërë të ditur se do të zhvillojë një tur në të gjithë Ballkanin Perëndimor në mesin e muajit maj, për të riafirmuar përkushtimin e BE-së ndaj këtij procesi.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme