Lajme

Presidenti i Çadit u vra dje në luftime, Pacolli kujton takimin me të ku ishte edhe Thaçi

Autori: Gazeta inFokus 19:17 | 21 April 2021

Presidenti i Çadit u vra dje në luftime, Pacolli kujton takimin me të ku ishte edhe Thaçi

Presidenti i Çadit, Idriss Deby, u vra në fundjavë, gjatë përleshjeve të forcave qeveritare me rebelët, njoftoi ushtria e këtij vendi.

Kryetari i AKR-së, Behgjet Pacolli tha se ai ishte një mik i Kosovës.

-Advertisement-

Pacolli kujtoi edhe takimin e fundit me të, teksa tha se i pranishëm ishte edhe ish-presidenti Hashim Thaçi.

“Presidenti i Çadit, Idriss Déby që vdiç nga plagët që mori nga përplasjet me rebelët në vijën e frontit në veri të vendit, ishte 68 vjeç dhe ishte një mik i imi dhe i Kosovës. Ai njohu Kosovën menjëherë pas një takimi që patëm në kryeqytetin N’Djamena. Herën e fundit e takuam, së bashku me Presidentin Thaqi në Erivan të Armenisë. Zoti e mëshiroftë të ndjerin dhe ngushëllime familjës dhe popullit të Çadit!”, shkroi Pacolli.

Presidenti i Çadit, Idriss Deby, u vra në fundjavë, gjatë përleshjeve të forcave qeveritare me rebelët, njoftoi të martën ushtria e këtij vendi.

Një ditë më herët, rezultatet preliminare të zgjedhjeve të 11 prillit parashikuan se Deby do të fitojë mandatin e gjashtë në zyrë.

Deby, 68 vjeç, ishte një nga udhëheqësit afrikanë me më së shumti vite në detyrë.

Ai ka marrë pushtetin gjatë një kryengritjeje të armatosur në vitin 1990.

“Deby dha frymën e tij të fundit duke mbrojtur kombin sovran në fushëbetejë”, tha një gjeneral i ushtrisë, teksa njoftoi për vdekjen e tij.

Debi ka shkuar në vijën e frontit në fundjavë, për të vizituar trupat që luftojnë me rebelët e vendosur përtej kufirit në Libi.

Subscribe në YouTube: GAZETA INFOKUSI

Të tjera

Fokusi

lajme