Presidenca hesht për ambasadorin Berishaj, PDK kërkon sqarime
Autori: Gazeta inFokus 21:34 | 17 January 2023
Zyra e Presidentes Vjosa Osmani nuk ka kthyer përgjigje gjatë ditës rreth skandalit ku po dyshohet se është përfshirë ambasadori i Kosovës në Kroaci, Martin Berishaj. Këtë heshtje dhe mos shkarkimin e tij ende pas raportimit në media për afera korruptive, po e kritikojnë shoqëria civile e opozita. PDK-ja madje ka ngritur disa pyetje për Presidenten Osmani, përfshirë marrjen e shtetësisë së Kosovës nga Berishaj vetëm pak ditë para se të dekretohej ambasador
Presidentja e Kosovës, Vjosa Osmani, ajo që kishte vendosur për dekretimin e Martin Berishajt në pozitën e ambasadorit në Kroaci, nuk po e thotë asnjë fjalë për kërkesat tani për shkarkim të tij.
Ambasadori po dyshohet se është përfshirë në një skandal financiar në Slloveni, përfshirë shpëlarje parash.
Një ditë pas deklaratës së ministres Gërvalla, se nuk mund të shkarkohet Berishaj bazuar në spekulime, ani se në Prishtinë ka një hetim për të, Zyra e Presidentes nuk ka kthyer përgjigje në pyetjet e televizionit Dukagjini për këtë çështje.
Të heshtur jo, por pa një përgjigje konkrete gjatë së martës, ishin edhe në Prokuroria Themelore në Prishtinë, aty ku vitin e kaluar u ngrit edhe një kallëzim penal kundër ambasadorit Berishaj, për mos deklarim të pasurisë.
Në përgjigjen e tyre, thuhet se në këtë fazë të procedurës penale nuk mund të japim informata të tjera.
Prokuroria Themelore në Prishtinë njofton lidhur me kallëzimin penal kundër M.B., në drejtim të veprës penale se “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”, nga neni 430 të KPRK-së, se në këtë çështje penale janë duke u ndërmarrë veprime hetimore nga ana e Prokurorit të Shtetit”.
Mbylljen hermetike të dy liderëve shtetërorë dhe mos shkarkimin e Berishajt ende, partia më e madhe opozitare po e cilëson si dështim të institucioneve shtetërore.
“Tek Afera Martin Berishaj, shkarkimi nuk mjafton. Të dhënat e publikuara nga mediumet e ndryshme ndërkombëtare duhet të jenë alarm për institucionet e Republikës së Kosovës. Për më tepër, sot, më shumë se kurrë, Kryemininisti duhet t’u japë përgjigje një vargu të pyetjeve të cilat i kemi parashtruar tash e një vit. Si i është dhënë shtetësia Martin Berishajt brenda natës? Si e ka marrë certifikatën e sigurisë nga AKI? A janë përdorur 1 milion e 470 mijë euro për të financuar fushatën e Lëvizjes Vetëvendosje dhe Listës Guxo”, ka thënë Vlora Çitaku, nënkryetare e PDK-së.
Pikëpyetje për dekretimin e Berishajt ka edhe ish-ministrja e Punëve të Jashtme, Meliza Haradinaj-Stublla.
“Ambasadori Martin Berishaj NUK ka mundur të dekretohet nga Presidentja Osmani pa verifikimin paraprak të sigurisë, e cila bëhet nga AKI. Nëse këto pretendime që i m ‘veshën figurës së Ambasadorit konfirmohen si të vërteta, atëherë kjo vë në pikëpyetje integritetin dhe profesionalizmin e AKI-së e cila gjatë verifikimit paraprak të sigurisë ka dështuar të zbulojë një involvim kaq skandaloz të personalitetit në fjalë”, ka deklaruar ish-ministrja e Punëve të Jashtme, Meliza Haradinaj- Stublla.
Por, mos shkakrimi i Berishajt, po vlerësohet se mund të ketë pasoja të shumëfishta negative për Kosovën në arenën ndërkombëtare.
“ Ky rast do ta dëmtoj imazhin politik të Kosovës, pasi do të dëshmohet se Kosova nuk ka asete të moralshme e profesionale që I vendos në këto pozita dhe e dyta do të dëshmohet se Kosova ka e ka vështirë ti korrigjoj gabimet”, ka thënë analisti politik në vend Artan Muhaxhiri.
Gjatë muajit prill, mediat në Slloveni raportuan për përfshirje në shpëlarje parash të tani kryeministrit slloven Robert Golob, e që sipas po të njëjtave burime, ambasadori Martin Berishaj e kishte bërë transportimin e parave kesh nga kompania e tij në Mal të Zi tek politikani slloven./RTV Dukagjini/
Të tjera
-
Adi Krasta jep dorëheqje nga pozita e zëvendësdrejtorit të RTK-së
Adi Krasta ka dhënë dorëheqje sot nga pozita e zëvendësdrejtorit të përgjiths...
-
Drekat e luksit: 6000 euro për tre dreka zyrtare të Saranda Bogujevcit
Shpenzimet për udhëtime zyrtare dreka e darka të deputetëve të Kuvendit të Ko...
-
Jashari takon shefin e stafit të KFOR-it, flasin për bashkëpunim të ndërsjellë dhe profesional
Komandanti i Forcës së Sigurisë së Kosovës, gjenerallejtënant Bashkim Jashari...
-
Shtyhet afati i aplikimit të bizneseve për Skemën e Granteve të Inovacionit
Ministria e Industrisë, Ndërmarrësisë dhe Tregtisë ka njoftuar se për shk...
-
Kurti i pret në Ballkonin e Qeverisë pjesëmarrësit e garave ndërkombëtare të pingpongut që po zhvillohen në Kosovë
Kryeministri Albin Kurti, së bashku me zëvendësministren e Kulturës, Daulina ...
-
Bislimi kërkon heqjen e masave nga BE-ja
Zëvendëskryeministri i Parë për Integrim Evropian, Zhvillim dhe Dialog i Repu...
-
Ishte nënë dhe bijë dëshmori, vdes gruaja nga Mitrovica – Sherife Musa
Ka vdekur nëna e dëshmorit Nysret Musa, Sherife Musa. Ajo gjithashtu ishte...
-
Gërvalla e gënjeu publikun që MPJD nuk e zgjodhi operatorin 5 herë e gjysmë më të shtrenjtë
Ministria e Punëve të Jashtme e Republikës së Kosovës ka ndërprerë kontratën ...
-
Një muaj paraburgim për dy personat që sulmuan fizikisht kryetarin e Pejës
Një muaj paraburgim u është caktuar dy të dyshuarve për sulmin fizik ndaj kry...
-
Vrạsja e regjisorit të ri, familja Myftari nuk hap të pame
Auron Myftari vdiq të dielën në mbrëmje në Prishtinë. Regjisori i ri nuk a...
-
Gjykimi për krime lufte: Seanca ndërpritet me kërkesën e të akuzuarit Millorad Gjokoviq
Me kërkesë të të akuzuarit për krime lufte Millorad Gjokoviq, është ndërprerë...
-
Këtë javë Kuvendi mban dy seanca
Dy seanca do të mbahet gjatë kësaj jave, të mërkurën dhe të enjten. Kështu...