Lajme

Premtimi i Albin Kurtit për mantelbardhët mbetet i parealizuar, “qeni topall” akoma andej pari

Autori: Gazeta inFokus 21:21 | 19 May 2022

Kryeministri i Kosovës Albin Kurti, gjatë një vizite që kishte të realizuar në Qendrën Klinike Universitare të Kosovës, në kohë fushate, u kishte premtuar mantelbardhëve se do t’ua largonte “qenin topall me tri këmbë”, pasi mantelbardhët jo rrallëherë janë sulmuar nga qentë endacak brenda hapësirave të QKUK-së.

Mirëpo ky premtim i Kurtit mbetet ende i parealizuar, pasi brenda hapësirave të QKUK-së jo vetëm “qeni topall me tri këmbë”, por edhe dhjetëra sosh, përbëjnë kërcënim për pacientët që kërkojnë tretman në QKUK dhe mantelbardhët që shërbejnë aty, raporton Gazeta Infokus.

Nga fotografitë e dërguara në redaksinë e Gazetës Infokus, nga një lexues shihen qenë endacak të cilët qëndrojnë në hyrje të Klinikës së re të Pediatrisë, e që potencialisht përbëjnë kërcënim për pacientët dhe personelin e kësaj klinike.

Se a do të përmbush premtimin kryeministri Kurti deri në fund të mandatit mbetet të shihet, por tash kur ka kaluar më shumë se një vit nga ardhja e tij në krye të qeverisjes, ky premtim mbetet vetëm në suazat e premtimeve elektorale./Gazeta Infokus/

Të tjera