Premtimet e mëdha, shporta e vogël
Autori: Agron Hoti 12:19 | 21 March 2023
Të gjitha qeveritë e pasluftës prioritetin numër 1 në deklarata dhe në letër e kanë pasur parandalimin dhe luftimin e korrupsionit dhe krimit të organizuar. Asgjë s’ta kënaqte veshin dhe syrin më shumë se këto deklarata e letra. Secila qeveri që vinte i bënte nga dy apo tri lëvizje kozmetike vetëm sa për të krijuar efekt te masat e gjera qytetare se vërtet korrupsioni do të shkulej njëherë e përgjithmonë.
Ndërkohë që në veprime të të gjitha qeverisjeve po ndodhte tërësisht e kundërta: korrupsioni nga të gjithë pa përjashtim, po mbështetej dhe për më tepër po ushqehej për t’u bërë gjithnjë e më i madh që nga 1999 e deri me sot. Kjo më së miri konfirmohet në Raportin e Departamentit Amerikan të Shtetit (DASH) për Kosovën për vitin 2022.
Prandaj, përderisa dikush do të priste hapa konkretë në të parandaluarit dhe luftuarit e korrupsionit, ky raport e ka cilësuar qeverisjen në Kosovë si “korrupsion serioz qeveritar dhe mosndëshkim”. Ky është cilësimi më i rëndë që SHBA i ka bërë qeverisjes së Kosovës në këto 24 vite çlirim. Sigurisht që DASH-i ka qenë kritik edhe ndaj qeverisjeve të kaluara, por asnjëherë deri me sot s’i ka cilësuar ato kaq rëndë si sot.
Pra, këta që më së shumti kanë premtuar parandalimin dhe luftimin e korrupsionit dhe krimit të organizuar, po dalin të jenë më të kritikuarit në Raport të DASH-it 2022, gjë që e konfirmon atë fjalën popullore se „aty ku premtohen dredhëza shumë, gjithmonë duhet marrë shportën e vogël“.
E sikur të mos na mjaftonte kjo, e kemi dhe raportin e mëhershëm të Ministrisë sonë të Jashtme të pranuar nga Ambasada jonë në SHBA, i cili raport pati qarkulluar dhe nëpër media e që fliste se sa të mjera ishin raportet Kosovë-SHBA, kjo gjithnjë sipas Ambasadorit të Kosovës në SHBA. Sipas përmbajtjes dhe gjuhës së atij raporti shihej sheshazi se raportet Kosovë-SHBA kishin rënë në pikën më të ulët të mundshme në tërë historinë e marrëdhënieve të Kosovës me SHBA.
Ndërkohë që, përderisa një pjesë e qytetarëve të Kosovës kishin shpresuar që qeverisja aktuale do ta parandalonte dhe luftonte korrupsionin dhe krimin e organizuar më shumë se çdokush deri me sot dhe do të bëhej proamerikan sot siç s’ishte fare deri dje, për fat të keq nivelet korruptive vetëm sa janë rritur duke filluar pikë së pari në qeverisje. Ndërkaq, raportet Kosovë-SHBA vazhdojnë të jenë më të mjera se asnjëherë më parë.
E për t’u bindur edhe për degradimin dhe shpërdorimin brutal të burimeve njerëzore nga të gjithë deri me sot, mjafton të shohësh përbërjen aktuale të Kuvendit të Kosovës si pasqyrën publike më të qartë për ta kuptuar se në ç’masë brutale ka rënë cilësia parlamentare nga viti 2001 deri me sot. As institucionet tjera s’përbëjnë kurrfarë përjashtimi. E shpërdorimi i burimeve njerëzore nga të gjitha partitë politike dhe nëpër të gjitha institucionet e Kosovës pa përjashtim ka bërë që të nxitet ikja e rinjëve/rejave nga Kosova në përmasa të frikshme. .
Të tjera
-
Kurti: Bandat fashiste nuk mund të hyjnë në zyrat e kryetarëve
Kryeministri i Kosovës Albin Kurti, ka folur rreth procesit të referndumit që...
-
Arrestohet personi i kërkuar, i dënuar me tri vite burgim
Policia e rajonit të Prishtinës po vazhdon ndërmarrjen e veprimeve policore m...
-
Alejtin Berisha, presidenti i UNI – Universum International College, folës në të njejtën konferencë me Bill Gates dhe Sam Altman
Presidenti i UNI powered by Arizona State University, Alejtin Berisha, ishte ...
-
Sülmoi se*sualisht një grua, arrestohet burri në Malishevë
Një burrë është arrestuar në Malishevë pasi dyshohet se ka sulmuar seksualish...
-
Vazhdojnë telashet me paratë e rrejshme, një person në Prizren ankohet në polici
Një person në Prizren, ka raportuar në polici se disa persona kanë dorëzuar k...
-
Shkollat e kryeqytetit me ligjëratë sensibilizuese ndaj dhunës në familje
Ora e parë e mësimit në të gjitha shkollat e ciklit të mesëm të ultë dhe të m...
-
Rreth 400 ndërmarrje të vogla dhe të mesme priten të përfitojnë grante
Sot përfundon afati për aplikim për grante për ndërmarrjet mikro të vogla dhe...
-
Plicia gjen ārmë në veri të Mitrovicës
Njësiti policor gjatë patrullimit janë hasur dhe konfiskuar 36 gëzhoja të arm...
-
Dështimi i serishëm i negociatave për dinarin, Petkoviq para QUINT-it
Pas dështimi të djeshëm të bisedimeve në Bruksel për gjetjen e një zgjidhjeje...
-
Osmani kujton 25-vjetorin e rënies së heroit Sali Çekaj: Ndër figurat e shquara të historisë së re të Kosovës
Presidentja e vendit, Vjosa Osmani, ka kujtuar 25-vjetorin e rënies së heroit...
-
Rritet çmimi i naftës menjëherë pas sulmit të Izraelit drejt Iranit
Çmimet e naftës dhe arit janë rritur menjëherë pas sulmit izraelit drejt Iran...
-
DASH: Ndalimet arbitrare të qytetarëve dhe policëve të Kosovës, veprime përshkallëzuese
Lëvdatat nga bashkësia ndërkombëtare që priste kryetarja e Kuvendit të Serbis...