Prej të hënës s’punohet në Pallatin e Drejtësisë shkaku i mungesës së oksigjenit, përmendet sulmi në zemër i Kryeprokurorit Munishi
Autori: Gazeta inFokus 11:45 | 21 October 2022
Anëtarja e Këshillit Prokurorial, Jehona Grantolli, ka thënë se stafi i prokurorisë çdo ditë po rrezikohet nga gjendja në Pallatin e Drejtësisë, duke thënë se Kryeprokurori i Prokurorisë Themelore në Prishtinë, Kujtim Munishi ka pësuar arrest kardiak, si pasojë e mungesës së ajrit.
Ajo ka përmendur edhe prokurorë dhe anëtarë tjerë të stafit që, sipas saj, po përballen çdo ditë me probleme shëndetësore si pasojë e kushteve të renda në Pallatin e Drejtësisë.
Garntolli, ka kërkuar nga Këshilli Prokurorial i Kosovës (KPK) në takimin e 220-të të mbajtur të premten që si pikë të diskutimit në rendin e ditës të vendoset për diskutim edhe kjo gjendje.
Sipas anëtares Grantolli, një propozim i tillë është mirë të miratohet nga Këshilli pasi, sipas saj, gjendja në Pallatin e Drejtësisë është e rëndë, raporton “Betimi për Drejtësi”.
Ajo tha se për shkak të gjendjes së ventilimit, personat që punojnë në këtë objekt janë duke rrezikuar shëndetin e tyre.
“Siç e dini e kam dërgu edhe një e-mali dje dhe kam propozu që me u diskutu çështja e Pallatit të Drejtësisë, kjo duke marrë rast që Kryeprokurori i shtetit ka pësu arrest kardiak dhe tani gjendet në pushim mjekësor, i cili i ka edhe raportet mjekësore”, tha anëtarja Grantolli.
Tutje, ajo ka shtuar se probleme shëndetësore kanë edhe një numër i madh i stafit, ku ka përmendur edhe prokurorin Fatmir Behrami dhe administratoren e Prokurorisë Themelore në Prishtinë, Feride Isufi për të cilën tha se ka pësuar një lloj sulmi.
“Një numër i madh janë duke pësuar në mungesë të oksigjenit”, u shpreh ajo, duke shtuar se gjendja është bërë e padurueshme dhe se nga dita e hënë nuk do të futen më në objektin e Pallatit të Drejtësisë.
Lidhur me këtë çështje, kryesuesi i Këshillit, Jetish Maloku tha se nuk mund të marrin asnjë vendim pasi kjo është kompetencë e dikujt tjetër.
“Jemi angazhu, kemi pas angazhim, ju e dini sakte kush është me detyre për ta kryer këtë çështje, po ne kurrfarë vendimi nuk mund të marrim”, u shpreh ai.
Edhe u.d Kryeprokurori i Shteti, Besim Kelmendi tha se mbështet çdo veprim të stafit të Pallatit të Drejtësisë lidhur me këtë çështje, pasi sipas tij kjo gjendje është e rrezikshme për shëndetin e tyre.
“Jeta e prokurorëve dhe stafit është në rrezik, në kemi përditë staf dhe prokuror që merren nga emergjenca edhe shkojnë në spital dhe nuk jam për me rreziku jetën e askujt dhe unë ju kam thanë që e kanë mbështetjen time për çdo gjë që marrin”, tha Kelmendi.
Në fund Këshilli vendosi që propozimi i anëtares Grantolli të vendoset për diskutim.
Grantolli ka thënë se kjo është kërkesë gjithë stafit të Pallatit të Drejtësisë.
“Është kërkesë edhe kryeprokurorit të Prokurorisë Themelore në Prishtinë por edhe e prokurorëve të tjerë, stafi administrativ që duke filluar nga dita e hënë ne do të marrim masa drastike dhe nuk futemi më në objektin e Pallatit të Drejtësisë”, ka deklaruar ajo.
Grantolli ka thënë se po rrezikohet shëndeti derisa presin veprime urgjente institucionale për të zgjidhur këtë problem.
“Meqë nuk është dhënë zgjidhje deri me sot, është në pyetje shëndeti i jonë me të cilin ne përballemi çdo ditë, më nuk do të vazhdojmë procesin e punës por do t’i ndërprejmë më qëllim që ndoshta edhe akterët tjerë të cilët janë të angazhuar me këtë çështje të ndërmarrin veprime urgjente”, ka shtuar ajo.
Takimi po vazhdon me pika tjera të rendit të ditës/BetimipërDrejtësi
Të tjera
-
Kurti takohet me kryeministrin kroat, flasin për Banjskën e dialogun me Serbinë
Kryeministri i Kosovës, Albin Kurti është takuar sot me kryeministrin e Kroa...
-
Peci merr zemër, i fton në debat “dorë për dore” të gjithë ish-ministrat e Bujqësisë
Ministri i Bujqësisë, Faton Peci u ka bërë thirrje publike të gjithë ish-mini...
-
Sveçla pas aksionit në Pejë: Prapa grilave është vendi i kriminelëve që merren me veprimtari të tilla
Ministri i Punëve të Brendshme, Xhelal Sveçla ka përgëzuar Njësitin e Antidro...
-
Rama në Asamblenë e OKB: Kosova, pjesë e pandashme e realitetit ndërkombëtar
Kryeministri shqiptar Edi Rama në në sesionin e 79-të të Asamblesë të Për...
-
Abdixhiku viziton një familje në Krushevë të Klinës, thotë se do mbulojnë të gjitha shpenzimet për vitin e parë për të gjithë fëmijët
Kryetari i Lidhjes Demokratike të Kosovës (LDK), Lumir Abdixhiku, ka vizi...
-
AGK dënon ashpër sụlmin e Kurtit ndaj mediave, tha se paguhen nga regjimet e kaluara
Asociacioni i Gazetarëve të Kosovës i ka reaguar kryeministrit Albin Kurti li...
-
Gërvalla në takimin ShBA-Karta e Adriatikut: Kosova, e palëkundur për integrime euroatlantike e bashkëpunim rajonal
Ministrja e Punëve të Jashtme, Donika Gërvalla, ka marrë pjesë në takimin ShB...
-
Largimi i veturave të braktisura, Rama: Qëllimi kryesor i këtij aksioni është përmirësimi i cilësisë së jetës
Në kryeqytet po vazhdon aksioni nga inspektorati për largimin e veturave të b...
-
Persona të maskuar sulmọjnë kryetarin e FFM-së Muamed Sejdinin
Kryetari i Federatës së Futbollit të Maqedonisë Muamed Sejdini, është sulmuar...
-
Reagime pas ndarjes së Shqipërisë dhe Maqedonisë së Veriut në procesin e integrimit evropian
Ndarja e Maqedonisë së Veriut nga Shqipëria në procesin e integrimit drej...
-
Ish-kryeministri: Kosova do të nis të zbatojë marrëveshjen e Washingtonit në qeverinë e ardhshme
Ish-kryeministri i Kosovës dhe deputeti i Lidhjes Demokratike të Kosovës, Avd...
-
Arrestohet në Gjilan i dyshuari për 16 mashtrime
Policia e Kosovës në Gjilan ka arrestuar sot të dyshuarin F.S. Policia ka ...