Rozë

Prej ditësh në paraburgim, avokati i Noizy-t flet për gjendjen e këngëtarit

Autori: Gazeta inFokus 10:41 | 14 Gusht 2024

Reperi i njohur Noizy, aktualisht po mbahet në paraburgim për veprën penale “Lëndim i rëndë trupor”, kjo pasi ishte i përfshirë në sherrin brutal të ndodhur në Pejë me tiktok-erin e njohur Med Iseni.

Prej ditësh reperi ndodhet në paraburgim së bashku me Dj Crax si një tjetër i përfshirë në ngjarje sakaq në në emisionin “Kosova today”, ka folur avokati i Noizyt, Besnik Berisha, lidhur me gjendjen emocionale të reperit dhe çfarë po ndodh me çështjen e tij.

“Çështja është bartur në gjykatën e Durrësit, besoj do të kemi një verdikt brenda javës. Nuk ka tendenca as nga Noizy as nga unë që ta pengojmë procesin e nisur në Kosovë, bile po përpiqemi që të ndriçojmë gjithçka që ka ndodhur atë natë.

-Advertisement-

Nuk ka qëllim sepse nuk ka gisht as në lëndim, e kjo do të provohet që është vetëm një lëndim i lehtë trupor ndaj së paku një personi. Ka dëshmitare me të cilët kam kontaktuar dhe përmes të cilëve kam mësuar për rrethanat e rastit. Noizy është viktimë e këtij procesi, është i papërfshirë”, tha Berisha.

I pyetur për gjendjen emocionale të reperit, ai u shpreh se është mirë jo sepse ndihet mirë në ambientin që ndodhet momentalisht, por sepse është i pastër nga akuzat që janë bërë mbi të.

“Paraburgimi nuk është shtëpi pushimi. Është çështje ku i nënshtrohet një rregulli shtëpiak çdo i paraburgosur. Noizy është mirë, jo për faktin se ndihet mirë atje ku është, por për faktin që ndihet mirë për atë që nuk ka bërë dhe ndihet mirë që është i pastër nga akuzat që i ngarkohen.

Por, shpresoj dhe besoj se Gjykata në Shqipëri ka arsye të mjaftueshme dhe të bollshme për për personalitetin e tij, karakterin e tij, lidhjen e tij me vendin, profesionin e tij, emrin e reputacionin që të marrë një vendim që do duhet ta linte Noizyn në liri në pritje të vendimeve të tjera që do merren.”

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

roze

Ky website përdor cookies. Duke vazhduar përdorimin, ju pranoni përdorimin e tyre.

Privacy policy