Lajme

Pranohen dorëheqjet e 80 policëve të komunitetit serb

Autori: Gazeta inFokus 19:36 | 01 December 2022

Lidhur me paraqitjen e dorëheqjeve të punonjësve policorë të komunitetit serb, Policia e Kosovës (PK) ka njoftuar se pas pranimit të dorëheqjeve nga punonjësit policorë, sipas legjislacionit në fuqi, ka vazhduar trajtimin dhe shqyrtimin e të gjitha kërkesave për dorëheqje.

“Duke iu referuar analizës së pakove të dorëheqjeve nga PK-ja dhe informacioneve zyrtare të pranuar nga Inspektorati Policor i Kosovës (IPK), lidhur me rastet e hapura penale apo administrative në proces, ka rezultuar se tetëdhjetë (80) zyrtarëve të përfshirë në listën e njoftimit të dorëheqjeve iu është pranuar dorëheqja. Ndaj të njëjtëve ka vazhduar procesi i njoftimit dhe lëshimi i vendimit mbi dorëheqjen”, thuhet në njoftim.

Më tej bëhet e ditur se procesi i pakove të dorëheqjeve për punonjësit e tjerë është duke vazhduar sipas procedurave dhe afateve ligjore në fuqi, të njëjtat janë në proces të analizës dhe shqyrtimit, përderisa punonjësit e tjerë në proces, do të ftohen për kompletimin dhe vazhdimin e procedurave të mëtejme.

Policia e Kosovës, përmes këtij noftimi, konfirmon se mbetet e përkushtuar në realizimin e detyrave dhe përgjegjësive të saja ligjore, ku për të gjitha procedurat e mëtejme rreth këtij procesi do t’iu mbajë të informuar.

Të tjera