Lajme

Pranga 4 të rinjve me 47 kg drogë gati për shitje

Autori: Gazeta inFokus 21:55 | 30 June 2017

Agjentë të policisë së Lezhës kanë finalizuar në orët e fundit operacionin e koduar “Gjegjan”, ku janë arrestuar 4 persona dhe sekuestruar 47 kg lëndë narkotike.

Burime policore zyrtare bëjnë me dije se operacioni është ekzekutuar pas një pune të gjatë dhe të mirorganizuar policore, që ka konsistuar në mbledhjen e informacioneve në rrugë operative.

Personat e arrestuar janë shtetasit: Gjergj Doda, Ndrecë Kola, Elton Kola dhe Gjergj Prenga, të moshave 29, 27, 34 dhe 21 vjeç, shkruan Top Channel.

-Advertisement-

Personat në fjalë janë ndaluar në rrugën e Kombit, në vendin e quajtur nënkalimi i Repsit, duke udhëtuar të ndarë në 2 automjete.

Dy prej tyre transportonin lëndën narkotike, e llojit marijuanë dhe gati për shitje, ndërsa dy të tjerët kujdeseshin për sigurinë.

Materialet proceduriale në ngarkim të 4 të rinjve i kanë kaluar tashmë Prokurorisë së rrethit të Lezhës, për veprën penale “prodhim dhe shitje të lëndëve narkotike”, kryer në bashkëpunim.

Subscribe në YouTube: GAZETA INFOKUSI