Lajme

Postere kundër Listës Serbe e Radojiçiqit në veri

Autori: Gazeta inFokus 12:11 | 03 February 2024

Në veri të vendit janë vendosur postere kundër Listës Serbe, me foton e ish-nënkryetarit të Listës Serbe, Millan Radojiçiq, të mbuluar me ngjyrë të kuqe.

Fotografitë janë publikuar nga zëvendësministri për Kthim dhe Komunitete, Radoica Radomiroviq.

“Çfarë mendojnë qytetarët për liderin bandit të listës serbe (Leposaviq, Zubin potok, Soçanicë)?!”, ka qenë mbishkrimi që ka vendosur ai mbi këto fotografi.

-Advertisement-

“Kush është Radiçiq? Një patriot i rremë. I dyshuar për vrasje të shumta të serbëve në Kosovë. Pronar i një laboratori droge. Një kriminel që abuzoi me rininë tonë për pasurim personal. Një terrorist. Thuaj JO organizatës terroriste Srpska lista”, shkruhet në poster.

Milan Radojiçiq ka marrë përgjegjësinë për sulmin terrorist në Banjskë të Zveçanit ndaj Policisë së Kosovës, ku u vra heroi Afrim Bunjaku. Ai e ka marrë përgjëgjësinë vetëm pasi Ministri i Punëve të Brendshme, Xhelal Sveçka, kishte publikuar pamje ku shihej qartazi pjesëmarrja e tij në këtë sulm.

Subscribe në YouTube: GAZETA INFOKUSI