Lajme

Posta ia kërkon borxhin Qeverisë

Autori: Gazeta inFokus 12:38 | 27 Gusht 2018

Nëse Qeveria e Kosovës nuk e rimburson Postën e Kosovës për humbjet që ka pësuar posta gjatë ofrimit të shërbimit universal që nga 2013-ta e deri më sot, Posta e Kosovës rrezikon të bllokohet. Nëse nuk paguhet ky borxh, punëtorët e postës mund të mbesin pa paga, shkruan Express.
Rreth 5 milionë euro është vlera e humbjeve që ka pësuar Posta e Kosovës që prej vitit 2013 e deri më tani për ofrimin e shërbimit universal në tërë territorin e Kosovës. Por, ndonëse Qeveria e Kosovës obligohet me Ligj që të mbulojë humbjet financiare, këtë nuk e ka bërë.

“Menaxhmenti i Postës së Kosovës i është drejtuar me një shkresë Qeverisë së Kosovës, javën e kaluar, që në përputhje me ligjin ta shlyejë sa më shpejt borxhin në vlerë prej rreth 5 milionë euro.

Ky borxh është krijuar për shkak se Qeveria nuk ka rimbursuar humbjet që ka pësuar Posta gjatë ofrimit të shërbimit universal postar nga viti 2013 e deri më sot. Këtë shërbim Posta është e obliguar të kryejë në tërë territorin e Kosovës, pavarësisht humbjeve, ndërkaq Qeveria është e obliguar me ligj të mbulojë humbjet financiare”, thuhet në komunikatën e menaxhmentit të Postës drejtuar mediave.

-Advertisement-

E kjo situatë po i sjell problem Postës së Kosovës, duke rrezikuar kështu edhe bllokimin e saj. Prej mospagesës së këtij borxhi, punëtorët e postës mund të mbesin pa paga, si dhe do të shkaktojë probleme serioze edhe në operimin normal të ndërmarrjes.

“Mosmbulimi i këtij shërbimi, do të vejë Postën e Kosovës në situatë të papërballueshme financiare ku nuk do të mundë të bëhet ekzekutimi i pagave për punonjësit si një obligim ligjor, si dhe do të shkaktojë probleme serioze edhe në operimin normal të ndërmarrjes.

Posta ka kërkuar nga Qeveria që brenda muajit gusht të shlyejë borxhin ndaj Postës sepse nuk ekziston asnjë arsye për zvarritje të mëtejme”, thuhet në komunikatë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy