Lajme

Portreti i Adem Jasharit me fishekë zbulohet në Prekaz

Autori: Gazeta inFokus 16:00 | 05 March 2018

Mozaiku i ndërtuar nga 200 mijë fishekë ku është bërë portreti i komandantit legjendar Adem Jashari është zbuluar sot në 20 vjetorin e rënies së tij.

Mozaiku që nga sot e deri më 7 mars do të qëndrojë në kompleksin memorial, Adem Jashari në Prekaz, ndërsa pas 7 marsit ende nuk është vendosur se çka do të ndodhë më të.

Autori i këtij mozaiku, Besart Gashi bëri të ditur se mozaiku është 25 metra katror dhe është punuar nga 200 mije gëzhoja fishekësh.

-Advertisement-

Madhështore mozaikun e ka quajtur kryetari i komunës së Skenderajt, Bekim Jashari, i cili tha se kjo vepër tregon dashurin që qytetarët kanë për komandantin Adem Jashari.

Mozaiku që portretizon fytyrën e komandantit Adem Jashari, pas datës 7 mars nuk dihet se ku do të vendoset. Madje, as kryetari Jashari tha se nuk e dinë se ku do të qëndrojë pas kësaj date.

Autori i mozaikut pretendon që me këtë vepër të hyjë edhe në librin Guines.

Subscribe në YouTube: GAZETA INFOKUSI