Lajme

Polonia, drejt largimit nga BE?!

Autori: Gazeta inFokus 15:15 | 15 December 2017

Përplasjet e zgjatura mes Polonisë dhe bllokut europian mbi ngërçin e emigrantëve kanë ngjallur frikën se vendi mundi të largohet nga radhët e BE-së, sidomos pas zhvillimeve të javës së kaluar kur Brukseli vendosi ta ndëshkojë Varshavën që refuzon me kokëfortësi të pranojë azilkërkues, duke i hequr fuqinë e votës në Këshillin Europian.

Për këtë, do të nevojitet sidoqoftë një votë unanime e të gjithë anëtarëve të bllokut, ndaj masa pak shanse ka që të hyjë në fuqi. Lëvizje të ngjashme BE-ja ka ndërmarrë edhe ndaj Hungarisë e Republikës Çeke e është e qartë se të tre vendet do të mbështesin njëra-tjetrën. Brukseli është përpjekur të ndërhyjë në disa raste, kujtojnë analistët, por e bëri këtu shumë, shumë vonë e në masë shumë të vogël.

Duke qenë se heqja e votës në këshill mund të mos funksionojë, atëherë hapi i radhës në përpjekjet për ta vënë Poloninë në rresht me gjithë të tjerët do të jetë “t’ia spërdredhin krahun” financiarisht, duke i kufizuar fondet europiane. Edhe kjo, megjithatë, rrezikon të ketë një efekt krejt të kundërt nga ai që dëshiron blloku dhe praktikisht do ta shtynte vendin jashtë unionit.

-Advertisement-

Nëse nuk merr kuotën financiare, Polonia mund të thotë lamtumirë, pohon për “Die Zeit” politologia e Universitetit të Varshavës, Renata Mienkoëska. “Më dhemb ta them këtë”, shton ajo, por një “Polexit” nuk është aspak i pamundur.

Eksperti gjerman i çështjeve të Europës Lindore, Milan Nic, ndan tjetër mendim e shprehet se kjo nuk do të ndodhë, pasi Polonia, sipas tij, ka përfitime të mëdha nga ky anëtarësim, e është avantazhuar më shumë se çdo vend tjetër anëtar nga fondet e kohezionit të BE-së.

Subscribe në YouTube: GAZETA INFOKUSI