Lajme

Politikania kosovare në Suedi: Në Kosovë s’do kisha mundësi të studioja

Autori: Gazeta inFokus 21:14 | 01 May 2017

Egzonita Dautaj është 23-vjeçarja me origjinë nga Kosova që është bërë pjesë e politikës në Suedi. Dautaj është e anëtarësuar në Lëvizjen Rinore të Partinë Social-demokrate të Suedisë (SSU).

Vajza 23-vjeçare nga Kosova do të mbajë një fjalim për shënimin e ditës së 1 Majit në qytetin Varnamo të Suedisë. Me këtë rast, fjalim do të mbajë edhe deputeti suedez nga radhët e SSU-së, Thomas Strand.

“Kam qenë gjithmonë e interesuar në politikë dhe çështjet e barazisë dhe pabarazisë”, tregon Dautaj në një intervistë me mediumin suedez VN.com.

Dautaj thotë se i është mirënjohës shtetit të Suedisë për mundësinë që ia ka dhënë asaj. Kosovarja thotë se nëse do të kishte qëndruar në Kosovë nuk do të kishte mundësi të ndiqte shkollim të lartë.

“Jam shumë mirënjohëse që jetoj në një shtet siç është Suedia, që më ka dhënë mua mundësinë të studioj dhe të marrë edukim. Nëse do të kisha jetuar në Kosovë, nuk do të kisha mundësi të studioja”, ka deklaruar Egzonita Dautaj, transmeton Insajderi.

23-vjeçarja shprehet se dëshiron që të kandidojë për asambliste të Social-demokratëve suedez në qytetin Karlskrona.

“Do të provojë të zgjidhem në Karlskrona. Është me rëndësi të përfshihem, sepse më shumë të rinj duhet të futen në politik”, ka deklaruar Dautaj.

Etiketa:
Marsi sjellë Magjinë në ETC

Të tjera

Fokusi

lajme