Politika e jashtme në rënie të lirë, thotë Hoxhaj
Autori: Gazeta inFokus 11:06 | 06 September 2022
Politika e jashtme e Kosovës është në rënie të lirë, u ankua ish-kryediplomati kosovar, Enver Hoxhaj.
Që nga njohja e fundit nga shteti i Izraelit që buroi nga Marrëveshja e Uashington-it, atëbotë në qeverinë Hoti, Hoxhaj tha se u bënë dy vite të asnjë lëvizje tjetër.
“Sot, Kosova bëri dy vjet pa asnjë njohje, asnjë anëtarësim në organizata ndërkombëtare, asnjë partneritet bilateral, asnjë marrëveshje me BE-në! Kjo është politika e jashtme e rënies së lirë!”, shkroi Enver Hoxhaj në Facebook.
Kosova ka aplikuar për anëtarësim në Këshill të Evropës këtë vit, ndërsa Kryeministri i Kosovës, Albin Kurti, ka lajmëruar se më së largu deri në Krishtlindje, do të aplikojnë për statusin e vendit kandidat edhe në BE.
Ndonëse një prosopekt i tillë për BE-në, është më problematik, duke qenë se pesë shtete të BE-së nuk e njohin pavarësinë e Kosovës.
Gjithashtu, një mundësi e mirë e njohjes nga Greqia u interpretua të jetë shpenzuar huq, e që sipas njohësve të çështjeve diplomatike, kishte të bënte me politikat energjetike të gazit, por që Kosova u tërhoq nga ai projekt.
Kosova mbetet jashtë BE-së, jashtë NATO-s, jashtë OKB-së, dhe jashtë shumë organizatave të rëndësishme ndërkombëtare.
Serbia, në anën tjetër, ka vazhduar lobimin për çnjohjen e Kosovës, për çka kanë thënë se kanë siguruar edhe katër e më shumë çnjohje të reja, ndonëse kanë thënë se nuk i bëjnë të ditura emrat.
Statusi i Kosovës në nivelet më të larta ndërkombëtare mbetet ende i lidhur me dialogun me Serbinë, nga e cila kërkohet një marrëveshje përfundimtare, përmes të cilës Kosova do të shkonte drejt përkryerjes dhe finalizimit të shtetësisë së saj.
Pesë shtetet e BE-së kanë argumentuar se çështjen e njohjes së pavarësisë së Kosovës do ta trajtojnë varësisht nga rezultatet e dialogut Kosovë-Serbi, por se deri atëherë nuk e njohin.
Në anën tjetër, aktiviteti diplomatik kosovar, nuk është parë të ketë korrur ndonjë rezultat me ardhjen në krye të shërbimit të jashtëm të ministres Donika Gërvalla.
Të tjera
-
Biden do të zhvillojë bisedime me Zelensky në Francë dhe Itali
Joe Biden do të zhvillojë bisedime me homologun e tij ukrainas Volodymyr Zele...
-
Sot hapet edicioni i 24-të i Panairit të Librit
Sot, në ambientet e Pallatit të Rinisë, hapet edicioni i 24-të i Panairit të ...
-
Shqipëri, mashtrimi me kreditë, nga hetimi i prokurorisë tek përgjegjësitë
Në Shqipëri, skema e mashtrimit financiar me kreditë, e cila ka prekur një nu...
-
Kosova 1 vjet nën masa të BE-së
Kosova vazhdon të jetë në pritje të raportit të përfaqësuesit të Lartë të BE-...
-
Osmani takon sot kryetarët e komunave
Presidentja e vendit, Vjosa Osmani do të pres sot në takim këshillin e kryeta...
-
Ngjarjet e datës 5 qershor
Ngjarjet e datës 5 qershor 2024 Policia e Kosovës, mban një Ushtrim Fushor...
-
Sllovenia e njeh Palestinën si shtet
Parlamenti i Sllovenisë sonte ka marrë vendim që ta njeh shtetin palestinez. ...
-
Mblidhet Komisioni për Buxhet, në rend dite disa projektligje e raporte
Komisioni për Buxhet, Punë dhe Transfere sot do të mbajë mbledhje. Në këtë...
-
Mot me diell dhe vranësira të shpërndara
Instituti Hidrometeorologjik i Kosovës, njofton se sot mban mot me diell dhe ...
-
Policia e Kosovës mban ushtrim fushor afër Aeroportit të Prishtinës
Policia e Kosovës sot duke filluar nga ora 09.00, do të mbajë Ushtrim Fushor ...
-
Gazetari Nuhi Bytyçi vazhdon dëshminë në Speciale
Në Dhomat e Specializuara të Kosovës në Hagë edhe sot do të vazhdojë procesi ...
-
Gjykimi për dallavere me patentë shofer, të akuzuarit deklarojnë se MI-së nuk i shkaktuan dëm buxhetor
Në këtë rast, ish-ushtruesi i detyrës së Sekretarit të Përgjithshëm në Minist...