Lajme

Policisë nuk u bën zgjidhje Qeveria, ankohen në Kuvend

Autori: Gazeta inFokus 12:50 | 15 Shtator 2020

Policia e Kosovës po përballet me telashe të mëdha, e me të cilat nuk po merret Qeveria e Kosovës.

Kësisoj Sindikata e Policisë është ankuar në një institucion tjetër, në Kuvend, shkruan Gazeta Infokus.

Kryetarja e Sindikatës Valbona Kamberi para deputetëve të Komisionit për Çështje të Sigurisë dhe Mbrojtjes ka përmendur pakënaqësitë e policëve, duke thëënë që 21 zyrtar tashmë kanë ndërruar jetë në detyrë.

-Advertisement-

E familjet e tyre i marrin nga 270 euro në muaj derisa kanë nga pesë anëtarë, shkruan Gazeta Infokus.

“21 pjesëtarë i kemi humbë, paguhen ka 270 euro të gjitha këto familje e i kanë nga pesë anëtarë”, thotë ajo.

Sipas Sindikatës së Policisë, me shpresën se do të përmbushej premtimi për rritje të pagave 75 për qind e punëtorëve kanë hyrë në kredi, megjithatë, një gjë e tillë nuk ka ndodhur.

“75 përqind të punonjësve policorë kanë hy në kredi duke mendu që kanë me marrë rrogën me rritje, nuk kanë hy kredi për sy e faqe, për shtëpi e banesa për familjarë. Nuk paguhet as puna e festave, as e vikendeve, mbi 6 mijë punëtorë të policisë punojnë në vikende, s’paguhen se Qeveria s’ka pare”, thotë Kamberi.

“Këto janë kërkesat që i kemi ne, uroj që të përmbushen para se të dalim në protesta, sepse pastaj do të ketë edhe kërkesa tjera, janë dy kërkesa që po i kërkojmë nga ju.

Pakoja emergjente dhe shujta, që janë duke i pritur policët. Mos të na anashkalojnë nga shujtat”, ka thënë ajo./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy