Lajme

Policia zbaton planin operativ ‘Goditja’

Autori: Gazeta inFokus 11:49 | 28 August 2023

Drejtoria Rajonale e Policisë në Mitrovicën e Jugut, në zbatim të planit operativ ”Goditja” ka vazhduar në realizimin e detyrave dhe angazhimeve që dalin nga ky plan operativ, me numër të shtuar të patrullimeve, kontrolleve në bare nate, kafiteri e lokacione të ndryshme që frekuentohen nga qytetarët.

Përmes një njoftimi për media, policia thotë se në saje të këtyre angazhimeve në teren, në javën e fundit, nga 21.08.2023 deri më 27.08.2023 janë realizuar këto aktivitete.

“Janë realizuar 302 patrullime policore, janë realizuar 282 pika kontrolli të automjeteve, janë kontrolluar 1998 vetura, janë legjitimuar 2395 persona, janë realizuar 58 pika kontrolli me radar dhe alkootest, janë kontrolluar 2 lokale të ndryshme, janë konfiskuar 4 armë zjarri të ndryshme, janë konfiskuar 24 armë të ftohta ( thika, shufra metalike, boks hekuri etj.), janë arrestuar 2 persona, janë arrestuar 13 persona te kërkuar me urdhëresa nga gjykatat”, thuhet në njoftim.

-Advertisement-

Policia thotë po ashtu se angazhimet në realizimin detyrave operative do të vazhdojnë edhe ditëve në vijim.

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme