Lajme

Policia shkatërron rrjetin e kontrabandistëve shqiptaro serb

Autori: Gazeta inFokus 10:00 | 13 October 2021

Policia e Kosovës ka zhvilluar një operacion në Prishtine, Pejë, Mitrovicë Jugu dhe Mitrovicë të Veriut.

Gjatë këtij operacioni janë shkatërruar një rrjet i madh i kontrabandistëve, shkruan Gazeta Infokus.

“Policia e Kosovës, në vazhdën e realizimit të objektivave strategjike për parandalim të veprave penale, konkretisht luftën e pa kompromis ndaj kontrabandës së mallrave, sot në orët e hershme të mëngjesit ka filluar realizimin e një operacioni policor i cili përfshinë disa lokacione të ndryshme, ku bëjnë pjesë katër rajone të Kosovës si Prishtinë, Pejë, Mitrovicë Jugu dhe Mitrovicë Veri”, thuhet në njoftim.

Të gjitha veprimet policore janë duke u realizuar në koordinim me prokuroritë dhe gjykatat kompetente, me urdhër të së cilave janë duke u kryer kontrolle dhe bastisje në lokacione të ndryshme si shtëpi banimi, lokale biznesi, magazina të mallrave etj.

Në këtë operacion policor i cili është ende duke vazhduar janë angazhuar Dogana e Kosovës dhe njësite të profileve të ndryshme policore, të cilat janë në mbështetje dhe përkrahje të këtij operacioni policor.

Si rezultat i hetimeve intensive dhe veprimeve profesionale policore dhe të Doganës së Kosovës, deri më tani janë sekuestruar mallra dhe dëshmi të ndryshme të cilat shërbejnë si prova materiale./Gazeta Infokus/

Etiketa:

Të tjera

rel="nofollow"

Fokusi

rel="nofollow"

lajme