Lajme

Policia serbe i shkon në banesë politikanes që kundërshtoi vaksinat anti-Covid

Autori: Gazeta inFokus 15:38 | 01 April 2021

Herët në mëngjesin e sotëm, policia serbe i shkoi në banesë një politikaneje, kundërshtuese të vaksinës anti-Covid, Jovana Stojkoviq , me një urdhër kontrolli.

Kryetarja e lëvizjes Living for Serbia e transmetoi ardhjen e policisë dhe diskutimin me ta drejtpërdrejt në profilin e lëvizjes së saj në Facebook.

Siç është dëgjuar në bisedën midis Stojkoviqit dhe autorit të incizimit, inspektorët me distinktivë policie në qafë erdhën me urdhër për ta kontrolluar banesën. Urdhri u lëshua sepse Stojkoviq dyshohet se ka shkaktuar frikë dhe panik në publik me deklaratat e saj.

Anti-vaksinesja e njohur, përndryshe edhe psikiatre, protestoi dhe debatoi me zyrtarët e Ministrisë së Brendshme që erdhën në banesën e saj.

“Duket sikur të jemi kriminelë. Çfarë pret të gjesh këtu, armë dhe drogë dikujt që dyshon se shkakton frikë dhe panik? Çfarë pret të gjesh në apartamentin e dikujt që shkakton frikë dhe panik?”, u tha Stojkoviq policëve.

Policët ia shpjegonin asaj urdhrin e kontrollit, ndërsa Stojkoviq e thirri një avokat.

“A do të më qëllonit nëse do të kishit urdhër? Sigurisht që po”, tha Stojkoviq.

Ende s’ka konfirmim zyrtar nga Ministria e Brendshme serbe në lidhje me kontrollin e banesës së Jovana Stojkoviqit.

Për ta parë videon, klikoni KËTU.

Të tjera