Lajme

Policia nuk i lë të protestojnë punëtorët e “Pastrimit”, por nuk i pengon aktivistët e Vetëvendosjes

Autori: Gazeta inFokus 09:22 | 13 May 2020

Policia e Kosovës ka refuzuar kërkesën e kompanisë “Pastrimi”, për protestë para objektit të Qeverisë së Kosovës.

Por ndryshe ka vepruar një ditë më parë, kur qindra aktivistë të Lëvizjes Vetëvendosje bënë prova për një protestë të mundshme po në të njëjtin vend ku kishin kërkuar të protestonin edhe punëtorët e kësaj kompanie, shkruan gazeta inFokus.

Përmes një komunikate për media nga kjo kompani bëjnë të ditur se janë të zhgënjyer me institucionet vendore e konkretisht me ato te rendit, pasi që thonë se dy herë radhazi kanë bërë kërkesë te Policia e Kosovës që t’ju lejohet mbajtja e një protestë paqësore me kamionë në qytet me një numër të vogël të punëtorëve dhe dy herë radhazi e njëjta kërkesë iu është refuzuar nga Policia e Kosovës.

-Advertisement-

“Kërkesa jonë kishte për qëllim që përmes protestës të shprehej pakënaqësia e punëtorëve ne mos përfshirjen e tyre në Pakon Emergjente te Qeverisë se Republikës se Kosovës”, thuhet në komunikatë.

Ata thonë se e kanë respektuar refuzimin e kërkesës nga Policia e Kosovës, por për ta është e papranueshme që kësaj kompanie t’i refuzohet kërkesa, e në shesh të dalin të protestojnë qindra qytetarë, shkruan gazeta inFokus.

“Kërkesa jonë adresuar te Policia e Kosovës kishte për qëllim mbajtjen e protestës paqësore me një numër te vogël te punëtorëve gjithmonë duke respektuar rekomandimet e Institutit Kombëtar te Shëndetësisë, ndërsa realiteti dje fliste ndryshe me atë qe ndodhi ne sheshin e kryeqytetit”.

Kompania “Pastrimi” kishte paralajmëruar se sot nga ora 09:00 deri në 12:00 do të mbajë protestë paqësore para objektit te Qeverisë se Republikës se Kosovës për të shprehur pakënaqësinë në mos përfshirjen e këtyre punëtorëve ne Pakon Emergjente, ndërsa i kanë bërë thirrje edhe Policisë se Kosovës te sigurojë rendin dhe qetësinë e mbarëvajtjes së protestës./gazeta inFokus/

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme