Lajme

Policia nis hetimet për ‘defektin’ e gastroskopit në ShSKUK

Autori: Gazeta inFokus 08:47 | 26 May 2018

Ka rreth tre vjet prejse në Klinikën e Gastroenterologjisë, në Shërbimin Spitalor Klinik Universitar të Kosovës (ShSKUK), është vendosur një lajmërim për pacientët.

“Ju njoftojmë se procedura e gastroskopisë dhe e kolonoskopisë nuk mund të kryhen në Klinikën e Gastroenterologjisë për shkak të defektit të aparaturës”, thuhet në njoftimin e kësaj klinike të mesit të vitit 2015, shkruan sot Koha Ditore.

Një letër tjetër me përmbajtje identike është ngjitur në tabelën e njoftimeve të kësaj klinike edhe më 22 mars të vitit 2016. Kanë kaluar më shumë se 2 vjet dhe një tjetër njoftim me datë të vitit 2018 është në këtë klinikë për të njoftuar pacientet që dy shërbimet më të rëndësishme të kësaj klinike nuk kryhen.

-Advertisement-

Siç ka mësuar gazeta, ka vite që ShSKUK – ja nuk i ka futur fare në planifikim këto aparatura për servisim. Defekti ka qenë sonda, e cila mund të zëvendësohet përmes procedurave të prokurimit për shërbimin e servisimit.

Subscribe në YouTube: GAZETA INFOKUSI