Lajme

Policia në Shtime shoqëron dy persona për deklarim të rremë të një rasti rrëmbimi

Autori: Gazeta inFokus 17:53 | 07 February 2025

Një 21 vjeçar dhe një 24 vjeçar janë shoqëruar në polici për deklarim të rremë të një rasti rrëmbimi.

Policia tha se më datë 29.01.2025, rreth orës 20:45, policia e stacionit në Shtime ka pranuar një informacion lidhur me një rast të dyshuar rrëmbimi, i cili thuhej se kishte ndodhur në rrugën magjistrale Ferizaj – Shtime.

“Njësitet policore të rendit dhe hetuesit kanë reaguar menjëherë duke shkuar në vendin e ngjarjes. Fillimisht, dyshohej se persona të panjohur kishin rrëmbyer një qytetar dhe e kishin dërguar në fshatin Jezerc, Ferizaj. Për këtë arsye, rasti ishte cilësuar si “Privim i kundërligjshëm i lirisë”. Gjatë hetimeve dhe sigurimit të provave të mjaftueshme, hetuesit policorë kanë arritur të zbulojnë se deklarimet për rastin nuk ishin të vërteta. Për pasojë, sot më datë 07.02.2025, janë shoqëruar në cilësinë e të dyshuarve dy persona, të cilët dyshohet se kanë inskenuar rastin: H.L. (M/K), 21 vjeç; E.S. (M/K), 24 vjeç”, tha policia.

-Advertisement-

Pas intervistimit nga hetuesit policorë, me vendim të prokurorit, rasti është rikualifikuar si “Lajmërim apo kallëzim i rremë”.

Hetimet për rastin do të vazhdojnë në koordinim me organet e drejtësisë.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme