Lajme

Policia në Ferizaj ‘fshehtazi’ identifikon shoferët që përdorin telefonin gjatë vozitjes dhe i gjobit

Autori: Gazeta inFokus 13:31 | 22 June 2022

Sot nga ora 10:00, Policia në Ferizaj, ka nisur një aksion të koduar “Përdorimi i telefonit gjatë drejtimit të automjetit”, i cili po realizohet në bashkëpunim të policisë me rrova civile nga Njësia Rajonale e Komunikacionit Rrugor dhe policisë me uniformë nga stacioni policor i Ferizajt.

Siç njofton Policia, ky aksion zhvillohet në atë mënyrë që një patrullë e policisë me rroba civile, në lokacione të ndryshme identifikon shoferët të cilët shkaktojnë kundërvajtje të ndryshme në komunikacion, me theks të veçantë, duke e përdorur telefonin gjatë drejtimit të automjetit dhe lajmëron patrullën policore e cila është me uniformë.

“Pas identifikimit të kudërvajtësit, i njëjti ndalohet nga policia me uniformë dhe i shqiptohet gjoba kundërvajtëse, sipas ligjit të komunikacionit rrugor”, njofton Policia.

-Advertisement-

Ky aksion do të vazhdojë edhe ditët në vijim dhe sipas Policisë ka synimin që të parandohen aksidentet në komunikacionin rrugor, ngaqë kundërvajtjet e tilla shpeshherë kanë shkaktuar edhe aksidente

“Drejtoria Rajonale e Policisë në Ferizaj, apelon te shoferët e automjeteve që të respketojnë ligjin e komunikacionit rrugor, të mos e përdorin telefonin gjatë drejtimit të automjetit”, thuhet në njoftim.

Subscribe në YouTube: GAZETA INFOKUSI