Lajme

Policia ndalon garat me vetura, ngasësve u shqipton gjoba

Autori: Gazeta inFokus 10:43 | 12 April 2023

Të martën mbrëma, Policia e Kosovës në Prizren në një pompë të derivateve ka hasur në numër të automjeteve duke bërë gara të rrezikshme, shkruan Gazeta Infokus.

Siç njofton policia, ngasësve të veturave u kanë shqiptuar gjoba për kundërvajtjet në komunikacion.

“Gjatë patrullimit afër rreth rrotullimit të autostradës te dalja në Prizren-Veri, te një pompë e derivateve policia ka has një numër të automjeteve duke bërë ngasje të rrezikshme (drifte), Patrullat policore kanë reaguar duke shqiptuar gjoba për kundërvajtjet në komunikacion”, thuhet në njoftimin e policisë.

-Advertisement-

Ndryshe kanë bërë të ditur se janë duke punuar në parandalimin e garave të shpejtësisë dhe ngasjes së rrezikshme, dukuri që rrezikon jetën e pjesëmarrësve në komunikacion edhe jetën e vetë pjesëmarrësve në këto gara.

“Vlen të ceket se ky është një koordinim i mirë mes dy stacioneve policore dhe një punë shumë e mirë e intervenimit të ekipeve të patrullave në parandalimin e garave të shpejtësisë dhe ngasjes së rrezikshme, dukuri që rrezikon jetën e pjesëmarrësve në komunikacion edhe jetën e vetë pjesëmarrësve në këto gara. Policia edhe në vazhdim do të vazhdoj të parandaloj këto aktivitet të rrezikshme dhe  të gjithë kundërvajtësit do të gjobiten pa përjashtim.”, thuhet në njoftimin e policisë./Gazeta Infokus/

Subscribe në YouTube: GAZETA INFOKUSI
-Advertisement-

Të tjera

Fokusi

lajme