Policia e Kosovë gjatë ditës së mërkurë ka ndërmarrë një aksion në disa komuna të Kosovës.

Në raportin 24-orësh, Policia ka njoftuar se në komunën e Prishtinës, Pejës, Gjakovës, Skenderajt e Hanit të Elezit ka konfiskuar lloje të ndryshme të armëve pa leje, shkruan Gazeta Infokus.

Në Prishtinë Policia ka konfiskuar një thikë një të miturit.

“Njësiti policor në planin operativ ,, Siguria ne Shkolla ‘’ ka ndaluar një mashkull kosovar të moshës së mitur dhe tek i njëjti ka gjete dhe konfiskuar një thikë. Me urdhër të prokurorit është kontrolluar shtëpia e të dyshuarit mirëpo nuk është gjetur asgjë e dyshuar. Rasti shkon në procedurë të rregullt”, thuhet në raport.
Ndërsa në një rast tjetër policia në Prishtine ka arrestuar një burrë që gjatë kontrollit tek i njëjti është gjetur dhe konfiskuar arma-pistoletë me një karikatorë me katër fishekë. Me vendim të prokurorit i dyshuari pas intervistimit është liruar në procedurë të rregullt.

Gjithashtu edhe në Pejë janë arrestuar dy persona pasi që kanë mbajtur armë pa leje.

“Fsh.Krushec, Pejë, 16.07.2021-.Lidhur me rastin me datë 20.10.2021 është arrestuar i dyshuari mashkull kosovar. Me vendim të prokurorit i dyshuari është dërguar në mbajtje Fsh. Vitomiricë ,Pejë, 18.10.2021-02:00. I dyshuari mashkull kosovar është paraqitur ne stacion policor dhe ka pranuar se ka shtënë me armë .Njësiti policor në vendin e ngjarjes ka konfiskuar gjashtë gëzhoja të armës dhe nga i dyshuari ka konfiskuar armen me gas me një karikatorë të zbrazët. Me vendim të prokurorit i dyshuari lirohet në procedurë të rregullt”, ka njoftuar Policia e Kosovës.

Kurse në fshatin Rogovë të Gjakovës, policia ka arrestuar një burrë, të cilit iu është gjendur në shtëpi një zollë, një gulinov, dhe një pistoletë e kalibrit 7.65 mm.
Me vendim të prokurorit i dyshuari pas intervistimit është liruar në procedurë të rregullt.

Në Skenderaj, Policia ka njoftuar se ka arrestuar një person pasi që gjatë kontrollit tek i njëjti është gjetur dhe konfiskuar një sprej dhe një thikë. Me vendim të prokurorit i dyshuari pas intervistimit është liruar në procedurë të rregullt.

Në Han të Elezit, Policia gjatë ditës së mërkure ka arrestuar një maqedonas pasi që gjatë kontrollit në vijën e dytë, të veturës së tij, i është gjetur dhe konfiskuar një revole e cal 7.65 dhe një karikatorë me shtatë fishekë. Me vendim të prokurorit i dyshuari pas intervistimit lirohet në procedurë të rregullt. /Gazeta Infokus/