Lajme

Policia konfiskon afër 150 vetura të pa regjistruara

Autori: Gazeta inFokus 15:39 | 13 November 2018

Policia e Kosovës gjatë aksioni në tërë territorin e vendit ka sekuestruar 131 vetura të pa regjistruara.

Në komunikatën e PK-së thuhet se veturat e konfiskuara gjatë periudhës 15 tetor-12 nëntor janë dërguar për vazhdim të procedurave doganore, shkruan Gazeta inFokus.

Operacioni policor i zhvilluar nga data 15.10.2018 deri më datë 12.11.2018, ka rezultuar me kontrollimin e një numri të madh të veturave, në mesin e të cilave janë sekuestruar 131 vetura të cilat janë dërguar në Doganat e Kosovës për vazhdim të procedurave doganore. Po ashtu janë konfiskuar edhe 2 vetura që dyshohet se janë të vjedhura”, thuhet në komunikatë.

-Advertisement-

Policia e Kosovës ka bërë të ditur gjithashtu se aksionet e tilla për identifikimin e veturave të pa regjistruara do të vazhdoj edhe më tej.

“Operacioni policor është shtrirë në tërë territorin e Kosovës dhe ka pas qëllim identifikimin e veturave të pa regjistruara, të cilat janë importuar nga shtetet evropiane e të cilat në vendin e origjinës ishin të ç’lajmëruara, ndërkaq në vendin tonë kishin paguar vetëm sigurim të përkohshëm. Policia e Kosovës do të vazhdojë me aktivitete edhe në të ardhmen në mënyrë që veprimet e tilla antiligjore të minimizohen, rrugët tona të jenë më të sigurta dhe të mos dëmtohet buxheti i vendit.”, thuhet në raportin e PK-së./Gazeta inFokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy