Lajme

Policia kërkon ndihmën e qytetarëve për kapjen e një personi të dyshuar për lëndim trupor

Autori: Gazeta inFokus 16:26 | 05 May 2025

Policia e Kosovës ka bërë thirrje për bashkëpunim me qytetarët në identifikimin e një personi të dyshuar për përfshirje në një rast të lëndimit të lehtë trupor, shkruan Gazeta Infokus.

Përmes një njoftimi të publikuar në faqen zyrtare në Facebook, policia ka shpërndarë fotografinë e të dyshuarit dhe ka kërkuar informacion që mund të ndihmojë në lokalizimin dhe identifikimin e tij.

Njoftimi i Policisë së Kosovës:

-Advertisement-

Kërkesë për bashkëpunim – identifikim i personit të dyshuar

Sektori i Hetimeve të Kryeqytetit, me autorizim nga prokuroria kompetente, kërkon ndihmën e qytetarëve për ofrimin e informatave që mund të çojnë në identifikimin e personit të paraqitur në fotografi. Ai dyshohet për përfshirje në veprën penale “lëndim i lehtë trupor”.

Policia fton të gjithë qytetarët që posedojnë ndonjë informacion të vlefshëm të kontaktojnë në numrin 192 ose të shkruajnë në adresën elektronike: [email protected].

Subscribe në YouTube: GAZETA INFOKUSI