Lajme

Policia kërkon dy pronarë të parave të humbura

Autori: Gazeta inFokus 20:05 | 04 June 2020

Policia e Kosovës bënë publike dy raste të gjetjes së parave në Fushë Kosovë.

Në njërin rast, parat janë gjetur nga një zyrtar policor dhe në rastin tjetër nga një qytetare, që të dy rastet kanë ndodhur në Fushë Kosovë, ku deri më tani nuk është lajmëruar askush si ankues (pronar i parave të humbura).

Rasti i parë:

-Advertisement-

Më 02.06.2020 rreth orës 20:00 në Fushë Kosovë, nga një zyrtar policor është gjetur një portofol (kuletë) me një shumë të konsiderueshme parash (shumë tre shifrore).

Rasti i dytë:

Me datë 03.06.2020, rreth orës 20:00 një qytetare i ka dorëzuar një shumë parash (dhjetë euro) njësisë patrulluese në detyrë, e cila ka deklaruar se parat e humbura i kishte gjetur në rrugë, afër rreth rrotullimit në qendër të Fushë Kosovës.

Me këtë rast falënderojmë qytetaren për gjestin e bërë dhe besimin e treguar për Policinë e Kosovës, falënderojmë njëkohësisht të gjithë qytetarët për bashkëpunimin në raste si kjo dhe jo vetëm.

Ftojmë pronarët e këtyre të hollave të shkojnë në Stacionin Policor Fushë Kosovë që të kryejnë procedurat e nevojshme rreth pranimit të parave të humbura.

Subscribe në YouTube: GAZETA INFOKUSI
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare

Të tjera