Lajme

Policia jep sqarime për veprimet e saj ndaj deputetëve të VV-së

Autori: Gazeta inFokus 12:40 | 22 Nëntor 2017

Policia e Kosovës me anë të një komunikate njofton se më 13 tetor Gjykata Themelore në Prishtinë, i ka referuar urdhëresën e përsëritur për sjelljen me detyrim të personave A. Kurti dhe D. Kadaj-Bujupi, në seancën gjyqësore të datës 22 tetor përpara orës 09:00 pasi që ndaj tyre është duke u zhvilluar procedurë penale.

“Konform detyrimit ligjor, autorizimeve të saja si dhe përgjegjësisë për ta realizuar urdhëresën sipas përmbajtjes së saj, policia ka dërguar njësinë patrulluese në adresat e dhëna nga gjykata për të kontaktuar me personat në fjalë, por të njëjtit nuk janë gjetur në adresat e tyre, si dhe nuk ka qenë e mundur të kontaktohen përmes formave të tjera të kontaktit”, thuhet në komunikatë.

Në lidhje me këtë Policia ka njoftuar Gjykatën Themelore për veprimet e saj dhe mos gjetjen e personave në adresat e tyre përpara fillimit të seancës.

-Advertisement-

“Ndërlidhur me veprimet policore konfirmojmë se në asnjërin prej të dyja rasteve policia nuk ka rrethuar lokacione dhe nuk ka bastisur asnjë adresë banimi, andaj pretendimet e disa qarqeve informative për bastisje dhe rrethim të ndonjë vendbanimi janë të pavërteta dhe si të tilla mbesin në suazat e spekulimeve”, thuhet në deklaratë.

Ndryshe Kurti dhe Kadaj-Bujupi është dashur që sot të jenë në seancë si të akuzuar për hedhje të gazit lotsjellës në Kuvendin e Kosovës. Në mungesë të tyre është shtyrë seanca.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy