Lajme

Policia jep detaje për therjen me thika në Obiliq, gjashtë të arrestuar

Autori: Gazeta inFokus 09:23 | 12 January 2022

Gjashtë persona janë arrestuar pasditen e së martës në Obiliq, pasi kanë therur me thikë dy të mitur, shkruan Gazeta Infokus.

Policia ka bërë të ditur se pas lëndimeve të marra viktimat janë dërguar në Qendrën Klinike Universitare të Kosovës për tretman mjekësor.

Gjithashtu kanë njoftuar se gjendja e tyre shëndetësore është e rëndë.

Policia ka njoftuar se tre nga të dyshuarit janë të mitur.

“Njësitet policore në vendin e ngjarjes kanë gjetur dhe konfiskuar; tri (3) thika, një (1) shufër metali, dhe një (1) boks hekuri”, thuhet në raportin e policisë.

Ndërkaq, te arrestuar pas intervistimit me urdhër të prokurorit janë dërguar në mbajtje./Gazeta Infokus/

Të tjera