Lajme

Policia jep detaje për të shtënat me armë në Podujevë, plagosen dy persona

Autori: Gazeta inFokus 16:43 | 25 October 2022

Dy persona janë plagosur si pasojë e disa të shtënave më armë zjarri në Podujevë, shkruan Gazeta Infokus.

Këtë për Infokus e ka konfirmuar zëdhënësi i policisë për rajonin e Prishtinës, Agron Borovci, i cili tha se rasti ka ndodhur sot rreth orës 16:00 në rrugën “Nuhi Gashi”.

Ai gjithashtu ka njoftuar se te plagosurit janë dërguar për trajtim mjekësor.

-Advertisement-

Derisa lidhur me rastin ende nuk është arrestuar asnjë person.

“Me të marrë informatën, policia ka dalë në vendin e ngjarjes dhe nga informacionet e para dyshohet se dy persona kanë marrë plagë nga arma e zjarrit.

Ndërkohë që të plagosuri janë dërguar për trajtimin e nevojshëm mjekësor, policia ka vazhduar me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe arrestimin e të dyshuarve të implikuar në rast”, ka thënë Borovci./Gazeta Infokus/

Subscribe në YouTube: GAZETA INFOKUSI
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

lajme