Lajme

Policia jep detaje për sulmin fizik ndaj Rrahman Jasharajt

Autori: Gazeta inFokus 09:56 | 06 September 2022

Kryetari i Sindikatës së Bashkuar të Arsimit Shkencës dhe Kulturë, Rrahman Jasharaj, është sulmuar fizikisht të hënën , nga një prind në shkollën “Ismail Qemajli”, në Prishtinë, shkruan Gazeta Infokus.

Sipas raporti 24 orësh të Policisë, thuhet se i dyshuari është arrestuar dhe me vendim të prokurorit është dërguar në mbajtje.

“Raportohet se viktima mashkull kosovar, është kanosur nga i dyshuari mashkull kosovar i cili ka tentuar ta sulmojë edhe fizikisht. I dyshuari është arrestuar dhe me vendim të prokurorit është dërguar në mbajtje”, thuhet në raportin 24 orësh të Policisë së Kosovës.

Ndryshe rasti ka ndodhur dje gjatë takimi të kryetarit të kësaj sindikate me mësimdhënësit e kësaj shkolle.

Ndërkaq Jasharaj këtë incident e ka quajtur tendencioz.

“Një prind deshi të më sulmojë, ishte tendencioze – mund të sulmohem edhe në rrugë”, ka thënë Jasharaj.

E i dyshuari pas incidentit kishte thënë se ka ardhur për mbesën e vet të e dijë se a do t fillojë sholla apo jo.

Rasti në polici është incicuar si “Kanosje:./Gazeta Infokus/

Të tjera