Lajme

Policia jep detaje për rastin e dy veturave të djegura në Zubin Potok

Autori: Gazeta inFokus 14:08 | 30 March 2023

Policia e Kosovës ka dhënë detaje për rastin e dy makinave që janë përfshirë nga zjarri në Zubin Potok.

Në njoftimin e policisë thuhet se sot rreth orës 08:15 dy serbë e kanë raportuar rastin në polici, duke thënë se rreth orës 02:30 nga persona të panjohur iu janë djegur dy veturat e tyre private me targa të Republikës së Kosovës (RKS), sipas tyre të regjistruara rreth një javë më përpara.

“Palët ankuese raportojnë se veturat e tyre kanë qenë të parkuara e lagjen e tyre, para shtëpive të banimit. Pas pranimit të informacioneve njësitet policore menjëherë kanë dal në vendin e ngjarjes duke angazhuar njësitë kompetente policore si dhe janë njoftuar ekspertë të zjarrit”.

-Advertisement-

“Lidhur me rastin janë ndërmarr të gjitha veprimet e nevojshme hetimore, është njoftuar prokurori kompetent me udhëzim të të cilit është iniciuar rasti “zjarrvënie” për procedura të mëtejme hetimore. Policia e Kosovës mbetet e përkushtuar në zbardhjen e rasteve të tilla, shtimin e patrullimeve dhe ofrimin e sigurisë për të gjithë qytetarët pa dallim”, thuhet në njoftim.

Subscribe në YouTube: GAZETA INFOKUSI