Lajme

Policia jep detaje për plagosjen në Prishtinë

Autori: Gazeta inFokus 00:55 | 05 August 2023

Disa persona kanë mbetur të plagosur si pasojë e një incidenti që ka ndodhur të premten në Prishtinë.

Lajmin për Infokus e ka konfirmuar zëdhënësi i policisë për rajonin e Prishtinës, Agron Borovci, i cili tha se disa persona kanë marrë plagë nga arma e zjarrit apo edhe nga fragmente qelqi

“Rreth orës 23:30, është raportuar për të shtëna me armë zjarri në një lokal në rrugën “Rexhep Luci” në Prishtinë.

-Advertisement-

Policia menjëherë ka dalë në vendin e ngjarjes dhe nga informacionet e para dyshohet se disa persona kanë marrë plagë nga arma e zjarrit apo edhe nga fragmente qelqi.

Ndërkohë që të lënduarit janë dërguar për trajtimin e nevojshëm mjekësor, policia po vijon punën me veprime të ekzaminimit të vendngjarjes si dhe me veprime të tjera operativo-hetimore .

Aktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm”, tha ai.

Subscribe në YouTube: GAZETA INFOKUSI