Lajme

Policia jep detaje për personin që tentoi të futet me thikë në zyrat e NISMA-s

Autori: Gazeta inFokus 09:31 | 22 May 2017

Policia e Kosovës ka konfirmuar lajmin se një person është arrestuar në natën e së dielës, pasi ka tentuar të futet me dhunë në selinë e Nismës për Kosovën në Prishtinë.

Sipas Policisë, i arrestuari për incidentin te selia e Nismës dyshohet të ketë probleme mendore.

“Ju njoftojme se rreth ores 22:21 eshte pranuar informata se nje person gjendet brenda rrethojave te nje objekti ne Rr.”Mujo Ulqinaku” ne lagjen Pejton Prishtine. Njesitet policore kane dal ne vendin e ngjarjes dhe kane hasur ne nje person qe dyshohet te kete probleme mentale”, thuhet në një njoftim të lëshuar nga Policia.

-Advertisement-

“I dyshuari eshte shoqeruar ne SP-Qendra per trajtim te metutjeshem”, ka njoftuar Policia.

Personi i arrestuar më herët është raportuar i zhdukur dhe ka probleme mendore, i kanë thënë familjarët Policisë.

“Rasti eshte duke u trajtuar sipas procedurave te metutjeshme policore”, ka bërë të ditur Policia.

Jozyrtarisht merret vesh se i dyshuari kishte kërkuar të takohej me kreun e Nismës, Fatmir Limaj.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme