Lajme

Policia jep detaje për burrin me probleme mendore që u dhunua seksualisht në Gjakovë

Autori: Gazeta inFokus 10:48 | 07 February 2022

Gazeta Infokus pak më parë raportoi se një person me probleme mendore është dhunuar seksualisht në Gjakovë.

Në lidhje më këtë nga Policia e Kosovës kanë thënë se ngjarja ka ndodhur në lagjen “Dardania”, ku fillimisht raportimi ishte që një person ka pësuar lëndime trupore.

Zëdhënësi i policisë për rajonin e Gjakovës, Nysret Xhurkaj, ka deklaruar për Infokus se viktima është me të meta psikike dhe ka ngecje në të folur.

-Advertisement-

“Stacioni policor – Gjakovë ka pranuar një informatë se në lagjen “Dardania” – Gjakovë një person kishte lëndime trupore. Patrulla policore iu është përgjigjur informatës dhe ka takuar viktimën, i cili është person me të meta psikike, dhe ka ngecje në të folur”, tha Xhurkaj.

Zëdhënësi po ashtu ka thënë se viktima pati lëndime të dukshme dhe se për këtë i është ofruar tretman mjekësor.

Ai po ashtu shtoi se viktima kishte thënë se ka pasur marrëdhënie seksuale me një burrë tjetër dhe se viktima ka lëndime të dukshme dhe i është ofruar tretman mjekësor.

“I njëjti ka sqaruar se ka pasur marrëdhënie seksuale me një person te gjinisë mashkullor që për momentin është i panjohur për të. Viktima ka lëndime të dukshme trupore dhe i është ofruar tretmani mjekësor. Rastit i janë përgjigjur të gjitha njësitet relevantë policore, është informuar edhe njësitit i mjekësisë ligjore si dhe Prokurori i Shtetit. Rasti nen hetime”, ka deklaruar Xhurkaj për Gazetën Infokus.

Raste të tilla për keqtrajtime të burrave pati edhe në javën e kaluar, konkretisht ishte një rast në Skenderaj, ku një burrë ishte keqtrajtuar seksualisht nga një burrë tjetër./Gazeta Infokus/

Subscribe në YouTube: GAZETA INFOKUSI