Rozë

Policia italiane nis hetimet për reperin e famshëm (FOTO)

Autori: Gazeta inFokus 09:56 | 06 September 2023

Për Kanye West dhe partneren e tij, Bianca Censor, policia italiane ka nisur një hetim pasi ata u fotografuan në një pozicion që u konsiderua si seks oral.

Ngjarja ka ndodhur javën e kaluar dhe çifti shkaktoi polemika të shumta kur u fotografua duke lundruar nëpër kanalet e Venecias me një taksi uji. Reperi i famshëm u shfaq me pantallonat e zhveshura ndërkohë koka e Bianca-s ishte e mbështetur në prehrin e tij.

Për këtë arsye, 46-vjeçari dhe 28-vjeçarja janë nën hetim pasi policia e Venecias ka identifikuar shoferin e varkës dhe planifikon ta marrë në pyetje për atë që pa.

-Advertisement-

Ndërkohë një burim i policisë së Venecias u shpreh për mediat se:

“Ka standarde të rregullit publik që duhet të ndiqen nga turistët dhe vendasit dhe çdo shkelje ndëshkohet ashpër. Imazhet e West me pantallonat e tij të ulura ndërsa ishte në një taksi, teksa ai dhe partneri i tij kalonin lagunën, u panë në të gjithë globin. Mund të shihje qartë se pantallonat e tij ishin gjysmë të ulura dhe ne kemi marrë ankesa nga njerëz që e kanë parë. Tani kemi identifikuar shoferin e varkës dhe do ta pyesim edhe atë se çfarë ka parë. Pamjet tregojnë qartë çiftin në një gjendje intimiteti dhe nëse prokurori vendas vendos të ngrejë akuzë atëherë ne do ta njoftojmë çiftin, me shumë mundësi përmes ambasadave përkatëse. Vepra që hetohet është vepër në kundërshtim me mirësjelljen publike e cila dënohet me sanksion administrativ”.