Lajme

Policia i zë dy kandidatët në Gjakovë që tentuan të kopjojnë në testin për patentë

Autori: Gazeta inFokus 15:08 | 19 September 2024

Dy persona në Gjakovë kanë tentuar të marrin përgjigje nga pajisjet elektronike në testin për patentë shoferë dhe të njëjtit janë kapur nga policia.

Lajmin për Klankosova.tv e ka konfirmuar zëdhënësi i policisë për rajonin e Gjakovës, Sheremet Elezaj, i cili bëri të ditur se të dy janë shoqëruar në polici dhe pajisjet elektronike janë sekuestruar.

“Sot rreth orës 12:00 nga zyrtarët në Qendrën për Patentë Shofer në Gjakovë, jemi njoftuar se dy persona të cilët ishin duke ju nënshtruar testit për patentë shoferi posedonin pajisje elektronike të cilat mund të keqpërdoreshin gjatë testi”.

-Advertisement-

“Policia ka dalë në vendin e ngjarjes dhe ka shoqëruara ne polici dy persona (meshkuj të moshës madhore), po ashtu dy pajisje elektronike janë sekuestruar. Aktualisht, në konsultim me prokurorin e shtetit janë duke u ndërmarrë veprimet e nevojshme hetimore”, thuhet tutje në konfirmim.

Subscribe në YouTube: GAZETA INFOKUSI