Policia e Serbisë ia kthen pajisjet e konfiskuara policisë së Kosovës
Autori: Gazeta inFokus 11:50 | 19 November 2021
Prishtinë – Më 23 mars 2021, EULEX e lehtësoi kthimin e pajisjeve të konfiskuara në Policinë e Kosovës (PK), duke përfshirë një automjet, armët personale dhe pajisjet tjera policore.
Pajisjet në fjalë ishin konfiskuar në mars të vitit 2012, kur policët serbë, i arrestuan dy policë të Kosovës, të cilët u liruan më vonë, raporton “Betimi për Drejtësi”.
Ndryshe, EULEX-i e mbështet po ashtu Policinë e Kosovës në fushën e bashkëpunimit policor ndërkombëtar, duke e lehtësuar shkëmbimin e informacioneve ndërmjet Policisë së Kosovës dhe INTERPOL, EUROPOL apo Ministrisë së Punëve të Brendshme të Serbisë përmes kanaleve të sigurta.
Shkëmbimi i informacioneve ndërmjet Policisë së Kosovës dhe Ministrisë së Punëve të Brendshme të Serbisë lehtësohet përmes EULEX-it, në bazë të protokollit për bashkëpunimin policor ndërmjet EULEX-it dhe Ministrisë së Punëve të Brendshme të Serbisë.
Kujtojmë se, në mars të vitit 2012, dy zyrtarë policorë të Republikës së Kosovës ishin arrestuar e shtrirë në tokë nga policia serbe, derisa po patrullonin në brezin kufitar me Serbinë.
Pas arrestimit të policëve Shukri Binaku dhe Sami Beqiri, ministri i Brendshëm serb, Ivica Daçiq, kishte deklaruar se këta dy policë kishin shkelur zonën e gjelbër, me çka, sipas tij, ata edhe kishin shkelur marrëveshjen ushtarako – teknike të Kumanovës të nënshkruar nga Serbia dhe NATO më 1999, sipas së cilës në këtë brez mund të lëvizin të armatosur vetëm KFOR-i dhe forcat serbe.
Ndërsa, Ministri i Punëve të Brendshme, Bajram Rexhepi, kishte shprehur bindjen e tij se hetimet që po i bëjnë autoritetet ndërkombëtare, do të rezultojnë me vërtetimin e dëshmive të palës kosovare se policët janë arrestuar brenda territorit të Kosovës.
Për këtë kishte reaguar edhe Qeveria e Kosovës, duke e vlerësuar arrestimin një akt qyqar, në kundërshtim me vlerat evropiane të fqinjësisë së mirë, kundër bashkëpunimit rajonal dhe akt që cenon rëndë marrëveshjet e arritura në mes të Kosovës dhe Serbisë me ndërmjetësimin e Bashkimit Evropian (BE) dhe Shteteve të Bashkuara të Amerikës (ShBA).
Kurse, zyra e Presidentes Atifete Jahjaga kishe thënë se arrestimi i policëve të Kosovës, në detyrë, është sulm mbi integritetin institucional e territorial të Republikës së Kosovës, duke kërkuar nga autoritetet serbe të lirojnë të arrestuarit, dhe të respektojë marrëveshjet e arritura në Bruksel.
Arrestimin e këtyre dy zyrtarëve të policisë së Kosovës e kishte dënuar edhe Ministria e Punëve të Brendshme të Kosovës.
“Pjesëtarët e Policisë së Kosovës, në momentin e kidnapimit, kanë qenë duke patrulluar në zonën e përgjegjësisë së Policisë së Kosovës dhe në asnjë moment nuk kanë tejkaluar zonën e përgjegjësisë së tyre”, thuhej në një komunikatë për media të MPB-së.
Ndryshe, Autoritetet në Serbi kishin liruar pas dy ditëve dy pjesëtarët e policisë së Kosovës, të cilët ishin arrestuar në vijën kufitare ndërmjet Kosovës dhe Serbisë nga policia serbe.
Policët e arrestuar i ishin dorëzuar misionit të Bashkimit Evropian për sundimin e ligjit, EULEX. /BetimipërDrejtësi
Të tjera
-
Kurti: Demonstratat e vitit 1989, simbol i rezistencës së popullit të Kosovës ndaj shtypjes serbe
Kryeministri Albin Kurti, ka kujtuar demonstratat popullore të vitit 1989, në...
-
Kurti sot bën homazhe në Besianë dhe Izbicë të Skenderajt
Kryeministri i Kosovës, Albin Kurti, sot to të bëjë homazhe te varrezat e anë...
-
Ministri Maqedonci pret homologun kroat, ministrja Haxhiu atë austriake
Ministri i Mbrojtjes së Kroacisë Ivan Anushiq sot do të qëndrojë për vizitë z...
-
Varr*oset sot gruaja që u vr*a aksidentalisht në derë të shtëpisë në Prishtinë
Sot varroset Zejnije Gubetini – Gashi, e cila u vra aksidentalisht natën e 26...
-
E rëndë në SHBA/ 22 vjeçari sulmon me thikë kalimtarët në Illinois, 4 të vd*ekur dhe 7 të plagosur
Katër persona u vranë dhe shtatë të tjerë u plagosën në një sulm me thikë në ...
-
Vazhdon edhe sot gjykimi në Hagë
Në Dhomat e Specializuara të Kosovës në Hagë do të vazhdojë sot procesi gjyqë...
-
Sot mblidhet Komisioni për Shëndetësi dhe Mirëqenie Sociale
Sot do të mblidhet Komisioni parlamentar për Shëndetësi dhe Mirëqenie Sociale...
-
Kosova shënoi sukses, krejt çka ndodhi dje në Komitetin e Asamblesë Parlamentare të KiE-së
Kosova e ka kaluar me sukses votimin e djeshëm në Komitetin e Asamblesë Parla...
-
Kuvendi mban seancë të jashtëzakonshme
Kuvendi i Kosovës do të mbajë sot seancë të jashtëzakonshme. Në orën 10 pr...
-
Nju Jork, gjykatësi i ndalon ish-presidentit Trump të flasë publikisht për një nga proceset penale
Një gjykatës ia ndaloi ish-Presidentit Donald Trump të flasë publikisht për n...
-
Berisha thotë se Bedri Hamza është i preferuari edhe i ndërkombëtarëve për kryeministër
Deputeti i Partisë Demokratike të Kosovës (PDK), Hisen Berisha ka komentuar z...
-
Spanja dërgon 26 tonë ndihma humanitare për palestinezët në Gaza
Avionët ushtarakë spanjollë hodhën 26 tonë ndihma humanitare për palestinezët...