Lajme

Policia e Kosovës me kërkesë për qeverinë Kurti: Edhe ne duhet të jemi prioritet

Autori: Gazeta inFokus 18:49 | 01 April 2021

Kryetari i Sindikatës së Policisë së Kosovës, Shaban Tasholli ka deklaruar sot se vaksinimi i zyrtarëve policorë do të duhej të ishte prioritet së bashku me punëtorët shëndetësorë.

Ai ka thënë se bën thirrje që sa më shpejtë të vijnë edhe më shumë vaksina në mënyre që të vaksionohen edhe policët, shkruan Gazeta inFokus.

“Nga dëshira e vullneti të parët që do të duhej të vaksinoheshin do të duhej të ishin policët. Por ata që ballafaqohen me qytetarët e infektuar janë mjekët. Edhe unë vet kam qenë në duart e tyre. Bëj thirrje që të vijnë sa më shpejtë vaksinat dhe të vaksinohen edhe policët e Kosovës”, ka deklaruar Tasholli në Frontal.

Ai njoftoi po ashtu se që nga fillimi i pandemisë, 15 zyrtarë policorë e kanë humbur jetën në betejë me koronavirusin.

“Është e rëndë se nuk kemi marrë statistika ditore, por nuk ka shkuar javë që nuk kanë vdekur policë nga virusin. Më duhet që deri më tani kanë vdekur 15 zyrtarë policorë nga koronavirusi”, ka thënë ai, Frontal./Gazeta inFokus/

Të tjera

Fokusi

lajme