Lajme

Policia e Kosovës me aksion të ri kundër fajdes në Gjilan, publikon pamje të arrestimit të dy personave

Autori: Gazeta inFokus 11:07 | 21 June 2024

Pas aksionit në Pejë dhe Prishtinë, të premten, Policia e Kosovës ka realizuar një aksion të radhës kundër fajdes në tri lokacione në Gjilan.

Përmes një njoftimi, Policia ka treguar se të arrestuarit dyshohet se i kanë shkaktuar dëme materiale një viktime në vlerën e 600 mijë eurove.

Në pamjet e publikuara në kanalin e Policisë së Kosovës në youtube, shihet momenti i arrestimit të dy personave që dyshohet të jenë fajdexhinjë.

-Advertisement-

Policia ka theksuar se dy persona të tjerë mbesin në kërkim.

 

 

 

Ky është njoftimi i plotë i Policisë së Kosovës:

Policia e Kosovës, Drejtoria për Hetimin e Krimit të Organizuar dhe Krimeve të Rënda pas operacionit të suksesshëm të realizuar dje në rajonin e Pejës dhe Prishtinës, sot me datën 21.06.2024 ka vazhduar me aksionin e radhës në tri lokacione të ndryshme të rajonit të Gjilanit.

Ky operacion policor u realizua pas ndërmarrjes së veprimeve operative hetimore në bashkëpunim dhe koordinim me Prokurorinë Speciale të Republikës së Kosovës, me qëllim tëidentifikimit dhe arrestimit të personave të dyshuar të përfshirë në veprat penale “Fajde dhe Detyrim”.

Gjatë hetimit të këtij rasti janë arrestuar dy persona të dyshuar, një mbetet në kërkim policorë, si dhe janë gjetur prova se të dyshuarit dyshohet se kanë kryer veprat penale të fajdes dhe detyrimit për të cilat janë hetuar.

Personat e arrestuar dyshohet se në këtë rast  kanë ushtruar presion dhe kërcënime ndaj viktimës me qellim të marrjes së interesit nga veprimtaria e fajdes dhe si rezultat i veprimeve të kundërligjshme personat e dyshuar i kanë shkaktuar dëme materiale viktimës në vlerën mbi 600.000 euro.

Gjatë operacionit policor në cilësi të provave materiale janë sekuestruar tri vetura, motorë sportiv, armë dhe municion, kartëmonedha euro, dokumente të ndryshme si dhe dëshmi tjera materiale të cilat do të përdoren në procedurën penale ndaj të dyshuarve. Policia e Kosovës mbetet e përkushtuar në luftimin e të gjitha veprimtarive të kundërligjshme dhe sjelljen para organeve të drejtësisë së personave të dyshuar.

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation

Të tjera