Lajme

Policia arreston pesë të dyshuar, përdori dhe armë zjarri

Autori: Gazeta inFokus 16:04 | 11 August 2023

Policia e Kosovës, përkatësisht Policia Kufitare, në kuadër të luftës për parandalim dhe luftim të veprave të kundërligjshme, e në veçanti kontrabandës, ka intensifikuar kontrollet taktike dhe operacionale në terren.

Policia e Kosovës njofton se më 11.08.2023 rreth orës 03:20 ka reaguar në fshatin Kovaç (Farkëtarët), zona e përgjegjësisë e Stacionit Policor Kufitar-Jasenovik, ku ka arrestuar pesë persona të dyshuar për kontrabandë me mallra dhe sulm ndaj personit zyrtar, ndërsa një person i dyshuar ka arritur t’i shmanget arrestimit dhe është larguar në drejtim të panjohur.

Organet e rendit bëjnë të ditur se për vënë situatën nën kontroll, për të evituar sulmin e mëtejmë dhe për të eliminuar çdo rrezik të mundshëm ndaj zyrtarëve policorë, janë përdorur armët e zjarrit nga zyrtarët policorë të përfshirë në këtë rast.

-Advertisement-

Në këtë operacion janë sekuestruar katër vetura të cilat kanë qenë të përfshira në rastin konkret, ku një njërën prej tyre është hasur një sasi e cigareve të cilat dyshohet se ishin duke u kontrabanduar përmes rrugëve ilegale nga Serbia.

Rasti është duke u trajtuar nga hetuesit e Drejtorisë Rajonale Veriu, në koordinim me organet tjera kompetente.