Lajme

Policia apel për qytetarët: Jeni të kujdesshëm, shmangni ndezjen e zjarreve

Autori: Gazeta inFokus 14:29 | 17 July 2023

Policia e Kosovës me anë të një komunikate për media ka kërkuar nga qytetarët që të shmangin ndezjen e zjarreve për shkak të temperaturave të larta dhe pasojave që mund të shkaktojë ndezja e zjarreve.

“Policia e Kosovës kërkon nga të gjithë qytetarët që të jenë të kujdesshëm, të shmangin ndezjen e zjarreve dhe të raportojnë apo lajmërojnë autoritetet për çdo person të dyshuar që mund të jetë i përfshirë në raste të tilla të zjarr vënieve”, thuhet në komunikatën e policisë.

Sipas Policisë, do të ndermirën masa ligjore ndaj të gjithë qytetarëve të cilët rrezikojnë jetën apo pronën.

-Advertisement-

“Policia e Kosovës do të ndërmerr masa ligjore ndaj të gjithë atyre individëve që në një formë apo tjetër rrezikojnë jetën apo pronën e qytetarëve, qoftë qëllimisht apo përmes pakujdesisë së shfaqur në çfarëdo forme”, thuhet në komunikatë.

Policia ka kërkuar që qytetarët të cilët frekuentojnë zonat malore të Pejës të jenë të kujdesshëm.
“Apelojmё tё tё gjithё qytetarёt tё cilёt frekuentojnё zonat malore tё rajonit tё Pejёs, e nё veçanit Bjeshkёt e Nemuna qё maksimalisht tё jenё tё kujdesshёm dhe tё pёrmbahen çdo aktivitet qё mund tё shkaktoj zjarre gjatё pёrdorimit si ( shkrepsa, cigare, grilla, zjarre nё natyrё etj)”, thuhet tutje në komunikatën e policisë.

Subscribe në YouTube: GAZETA INFOKUSI