Lajme

Polici tjetër i plagosur është nga Gjilani

Autori: Gazeta inFokus 11:56 | 24 September 2023

Kryetari i Gjilanit, Alban Hyseni, njofton se polici që u plagos sot në veri të vendit Alban Rashiti është nga Velekinca e kësaj komune.

Polici në fjalë ka kryer me sukses operacionin dhe sipas mjekëve ndodhet në gjendje stabile shëndetësore.

“Sulmi terrorist e kriminal duhet të dënohet. Beogradi zyrtar, duke mbështetur sulmin kriminal e terrorist, po sulmon Kosovën”, shkruan Hyseni.

-Advertisement-

I njëjti ka shprehur ngushëllime për vrasjen e policit Afrim Bunjaku.

Postimi i tij i plotë:

Të dashur qytetarë,

Pas sulmit në orët e hershme të mëngjesit në fshatin Banjskë të Zveçanit, është vrarë një polic i Kosovës dhe një tjetër është plagosur.

Sulmi terrorist e kriminal duhet të dënohet. Beogradi zyrtar, duke mbështetur sulmin kriminal e terrorist, po sulmon Kosovën.

Nga Velekinca e Gjilanit kemi edhe një polic të plagosur, Alban Rashiti, i cili tashmë ka kryer intervenimin me sukses dhe është jashtë rrezikut për jetë.

Ngushëllime familjes dhe të gjithë qytetarëve për policin tonë të vrarë. Shërim të shpejtë e të plotë policit të plagosur.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme